Մոնտենեգրոյի Բուդվա քաղաքում ընթացող Եվրոպայի բռնցքամարտի գավաթի խաղարկությունում այսօր հոկտեմբերի 10-ին, Հայաստանը կունենա 5 ներկայացուցիչ։
Ռինգ դուրս կգան 48 կգ Բարեղամ Հարությունյանը, 67 կգ քաշային Գուրգեն Մադոյանը, 80 կգ քաշային Համբարձում Հակոբյանը, 86 կգ քաշային Ռաֆայել Հովհաննիսյանը և +92 կգ քաշային Դավիթ Չալոյանը։
Բարեղամ Հարությունյանը կմենամարտի լեհ Յակուբ Սլոմինսկիի հետ, Մադոյանի մրցակիցը կլինի Սլովենիայի ներկայացուցիչ Պետրիկ Նեյչին, Համբարձում Հակոբյանը կմրցի ռումինացի Անդրեյ Փոլ Արադայի հետ, Ռաֆայել Հովհաննիսյանը՝ Մոլդովայի ներկայացուցիչ Դմիտրի Կոսկյուգիի հետ, իսկ Չալոյանը կմենամարտի միջազգային ֆեդերացիայի դրոշի ներքո հանդես եկող Ստան Բերտենսի հետ։
Նշենք՝ երեկ պայքարի մեջ մտած մեր երեկ բռնցքամարտիկները՝ Արթուր Ղազարյանը (60կգ), Նարեկ Հովհաննիսյանը (63,5 կգ) և Զավեն Գալստյանը (71 կգ), պարտվել են մեկնարկային մենամարտերում։
Հիշեցնենք՝ մեր ընտրանին ներկայացված կլինի 13 քաշային կարգերից 12-ում։
Կարեն Աղամալյանի գլխավորությամբ մրցավայր են մեկնել նաև Ռուդոլֆ Գարբոյանը (51 կգ), Ռուսլան Ասլիկյանը (54 կգ), Արթուր Բազեյանը (57 կգ) և Նարեկ Մանասյանը (92 կգ)։
Մրցավայր են մեկնել նաև մարզիչ Ռոբերտ Պետրոսյանը, բժիշկ Հարություն Պրազյանը և մրցավար Բագրատ Ավոյանը:
