Մեծ սաղավարտի տարվա երկրորդ մրցաշարի՝ Ռոլան Գարոսի տնօրեն Գի Ֆորժեն խոսել է մրցաշարի հետաձգման հեռանկարների մասին Եվրոպայում կորոնավիրուսի տարածման պատճառով։
«Առաջիկա շաբաթների ընթացքում պլանավորված բոլոր մրցաշարերի վրա մեծ ուշադրություն է լինելու։ Հետաձգե՞լ, անցկացնել առանց հանդիսականների՞։ ԱՅս ամենը խնդրահարույց է։ Տնտեսապես կարդարացվեն այս որոշումները։
Մինչ Ռոլան Գարոսը կա ժամանակ, բայց այն արագ է անցնում։ Ամենից առաջ կարևոր է խաղացողների ու երկրպագուների առողջությունը։ Մենք դիտարկում ենք բոլոր տարբերակները։ Բայց ամեն դեպքում որոշումը չի կայացնելու Ֆրանսիայի թենիսի ֆեդերացիան։ Մենք ենք հետևելու խորհուրդներին»,-մրցաշարի տնօրենի խոսքերն է մեջբերում Lequipe-ն։
Ներկա պահին Ֆրանսիայում արգելված է միջոցառում անցկացնել, որում 1000-ից ավել երկրպագու կարող է լինել։