«Լիվերպուլի» գլխավոր մարզիչ Յուրգեն Կլոպպը մեկնաբանել է բրազիլացի հարձակվող Ռոբերտո Ֆիրմինոյի՝ 2022/2023 մրցաշրջանի ավարտից հետո ակումբը լքելու որոշումը։
«Այո, նա ասաց ինձ այդ մասին:Ամեն ինչ կարող էր գնալ երկու ճանապարհով, և սա դրանցից մեկն էր: Եվ ես դա շատ հարգում եմ։ Դա միանգամայն նորմալ է՝ հաշվի առնելով այն երկար հարաբերությունները, որ մենք ունենք ակումբի, խաղացողների մեծ մասի և իհարկե երկրպագուների հետ:
Հիմա հրաժեշտի կամ նման այլ բաների ժամանակ չկա, հետո բավական ժամանակ կլինի դրա համար։ Ամեն անգամ, երբ նա վերադառնա, բոլորը գիտեն, որ այս երգը բոլորի ականջում կլինի դեռ երկար, երկար, համոզված եմ: Կարծում եմ՝ նա այն խաղացողներից է, որ եթե նույնիսկ լիներ մրցակցի կազմում, մարդիկ իսկապես ուրախ կլինեին տեսնել նրան այստեղ»,- Կլոպի խոսքը մեջբերում է «Լիվերպուլի» պաշտոնական կայքը։