«Չելսիի» պաշտպան Ռիս Ջեյմսը խոսել է ակումբի ընթացիկ արդյունքների մասին։ Լոնդոնցիները Պրեմիեր լիգայի մրցաշարային աղյուսակում զբաղեցնում են 10-րդ տեղը և Չեմպիոնների լիգայի 1/8 եզրափակչի «Բորուսիայի» հետ առաջին խաղում պարտվել են (0:1):
«Ժամանակի ընթացքում ամեն ինչ կփոխվի։ Մենք դեռ բավականին նոր թիմ ենք, ունենք շատ նոր խաղացողներ։ Բոլորն ակնկալում են, որ մի գիշերում ինչ-որ բան տեղի կունենա միայն այն պատճառով, որ մենք այդքան գումար ենք ծախսում: Ֆուտբոլում դա տեղի չի ունենում, ամեն ինչ ժամանակ է պահանջում։ Մարդիկ պետք է հարմարվեն ու ընտելանան նոր երկրին, նոր մշակույթին։ Ժամանակի ընթացքում մենք կառաջադիմենք և կհասնենք այնտեղ, որտեղ ուզում ենք լինել:
Շատ նոր խաղացողներ նույնպես երիտասարդ են ապագայի համար: Քանի որ մենք բոլորս փորձ ենք ձեռք բերում, կարծում եմ, որ առաջիկա տարիներին մենք կպայքարենք բազմաթիվ գավաթների ու տիտղոսների համար։
Փոթերը հիանալի մարզիչ է և հաճելի է աշխատել նրա գլխավորությամբ: Նա շատ լավ մարդ է, և ես կարծում եմ, որ դա շատ է օգնում մարզիչ լինելու համար»,- Ջեյմսի խոսքերն է փոխանցում ակումբի մամուլի ծառայությունը։
























































