Արգենտինայի հավաքականի հարձակվող Լիոնել Մեսսին աշխարհի առաջնություններում խփած գոլերով հավասարվել է ազգային հավաքականի նախկին հարձակվող Գաբրիել Բատիստուտային։
35-ամյա Մեսսին 11 մետրանոցից գոլի հեղինակ է դարձել ԱԱ 2022-ի քառորդ եզրափակիչի՝ Հոլանդիայի դեմ խաղում։ Այս գոլը Լեոյի համար դարձավ 10-րդն աշխարհի առաջնություններում։ Ընդհանուր առմամբ, Մեսսին աշխարհի առաջնություններում մասնակցել է 24 հանդիպման։
Բատիստուտան նույնպես խփել է 10 գոլ, սակայն աշխարհի առաջնություններում մասնակցել է 12 խաղի։
Աշխարհի 2022 թվականի առաջնությունում Մեսսին մասնակցել է 5 հանդիպման, խփել 4 գոլ և կատարել 2 գոլային փոխանցում։