Խորվաթիայի հավաքականի կիսապաշտպան Լուկա Մոդրիչը խոսել է ԱԱ 2022-ի քառորդ եզրափակիչում Բրազիլիայի նկատմամբ տարած հաղթանակի մասին։
«Մենք քիչ էր մնում պարտվեինք, երբ նրանք գոլ խփեցին: Բոլորը կարծում էին, որ մենք դուրս կմնանք պայքարից, բայց մենք ևս մեկ անգամ ցույց տվեցինք, որ երբեք չենք հանձնվում։ Մեր հավատը անհավանական է:
Հանդիպումը ոչ-ոքիի հասցրինք ու վստահ էինք 11 մետրանոց հարվածաշարում։ Մենք նախորդ խաղում 11 մետրանոցներով հաղթեցինք Ճապոնիային, այնպես որ, իհարկե, վստահություն ունեինք։ Երբ գոլով ես սկսում շարքը, իսկ մրցակիցդ վրիպում է, վստահություն ես ձեռք բերում:
Իհարկե, աշխարհի առաջնությունից առաջ ոչ ոք մեզ վրա խաղադրույք չէր կատարում, կամ չէին մտածում, որ մենք կարող ենք այդքան հեռուն գնալ: Կարևորն այն է, որ մենք ունեինք հավատ, վստահություն, և նորից ունենք իսկական թիմ՝ շատ լավ երիտասարդներով։ Նման հաղթանակը, անկասկած, մեզ ավելի մեծ վստահություն կտա»,- ասել է Խորվաթիայի հավաքականի ավագը ESPN-ի զրույցում։