Մարոկկոյի հավաքականի գլխավոր մարզիչը հույս ունի, որ Կրիշտիանու Ռոնալդուն չի խաղա իր թիմի դեմ։
Աշխարհի 2022 թվականի առաջնության քառորդ եզրափակիչում Մարոկկոն կմրցի Պորտուգալիայի հետ։
«Ես հպարտ եմ երկրով, թիմով և այն փաստով, որ մենք հասել ենք այս փուլին։ Մենք ներկայացնում ենք Մարոկկոն, մեր ժողովրդին։ Արաբական թիմն առաջին անգամ դուրս եկավ աշխարհի առաջնության քառորդ եզրափակիչ։
Մեզ աջակցում է մի ամբողջ աշխարհամաս։ Մենք զգում ենք այս դրական էներգիան։ Մենք շատ ուրախ ենք։ Այս փուլում լինելը մեծ պատիվ է։
Խաղալու ենք շատ լավ թիմի դեմ, որն ունի տեխնիկապես լավ պատրաստված խաղացողներ։
Չգիտեմ՝ Ռոնալդուն կխաղա՞, թե՞ ոչ։ Հուսով եմ՝ ոչ։ Նա պատմության լավագույն խաղացողներից մեկն է, ուստի ուրախ կլինեմ, եթե նա չխաղա։
Պորտուգալիան նույնպես ցանկանում է դուրս գալ մրցաշարի կիսաեզրափակիչ։ Մենք պետք է համեստ ու լավատես լինենք»,- Վալիդ Ռեգրագիի խոսքն է մեջբերել A Bola-ն։