Գանայի խորհրդարանում որպես անվստահության օրինակ է բերվել ՄՅՈւ-ի պաշտպան Հարի Մագուայրը:
Իսահակ Ադոնգոն, որը ներկայացնում է Ազգային դեմոկրատական կոնգրես կոչվող ընդդիմադիր կուսակցությունը, Գանայի փոխնախագահ Մահամուդու Բավումիային համեմատել է «Մանչեսթեր Յունայթեդի» և Անգլիայի հավաքականի պաշտպանի հետ։
«Անգլիայում Մագուայր անունով մի ֆուտբոլիստ կա, որը խաղում է «Մանչեսթեր Յունայթեդում»:
Նա պաշտպան է։ Նա բոլորից խլում է գնդակը և մտնում պայքարի մեջ։ Եվ նա համարվում էր աշխարհի լավագույն պաշտպանը։ «Մանչեսթեր Յունայթեդը» որոշեց գնել նրան։
Իսկ պաշտպանության կենտրոնում հանդես եկող Մագուայրը դարձավ «Մանչեսթեր Յունայթեդի» ամենամեծ վտանգը։ Նա «Մանչեսթեր Յունայթեդի» ֆուտբոլիստներին զրկում էր գնդակից, և փոխանցում հակառակորդին։
Պարոն խոսնակ, նույնիսկ երբ մրցակիցները չեն կարողանում ինքնուրույն գոլ խփել, Մագուայրը դա անում է նրանց փոխարեն: Եվ դուք պետք է հիշեք, որ այս երկրում մենք ունենք մեր սեփականՄագուայրը տնտեսության մեջ։
Պարոն խոսնակ, երբ մենք մեր Մագուայերին տեղ տվեցինք պաշտպանության կենտրոնում, նա սպառնալիք դարձավ մեր իսկ դարպասների համար»,- Ադոնգոյի խոսքն է մեջբերել The Telegraph-ը։
