Կոդի Գակպոն ձմռանը կարող է հեռանալ ՊՍՎ-ից։ «Մանչեսթեր Յունայթեդը» հետաքրքրված է վինգերի ծառայություններով:
Ֆուտբոլիստն անցած ամռանը պատրաստ էր տեղափոխվել «Մանչեսթեր Յունայթեդ»: Նա մնաց ՊՍՎ-ում Հոլանդիայի հավաքականի մարզիչ Լուի վան Գալի խորհրդով, որը զանգահարել էր խաղացողին և ասել, որ ավելի լավ է փոխել ակումբը աշխարհի առաջնությունից հետո:
Լրագրող Ֆաբրիցիո Ռոմանոյի տվյալներով՝ «Լիվերպուլի» սկաուտները մի քանի անգամ դիտել են Գակպոյի խաղը, սակայն այս պահին ակումբի և խաղացողի միջև ուղիղ բանակցություններ չեն ընթանում։
«Մանչեսթեր Յունայթեդը» դեռ կապի մեջ է Կոդիի գործակալների հետ և ծրագրում է մոտ ապագայում շարունակել շփումը նրանց հետ։ Գակպոյի շահերը ներկայացնում է նույն գործակալությունը, ինչ «Մանչեսթեր Յունայթեդի» մարզիչ Էրիկ տեն Հագինը, ուստի կողմերի միջև շատ լավ հարաբերություններ կան։ Գակպոն պատրաստ էր տեղափոխվել «Մանչեսթեր Յունայթեդ» նախորդ տրանսֆերային պատուհանի ժամանակ։ Անձնական պայմանագրի պայմանները համաձայնեցված էին։
Ամռանը ՊՍՎ-ն Գակպոյի համար 50 միլիոն եվրո էր պահանջում՝ ներառյալ բոնուսները, սակայն աշխարհի առաջնությունից հետո ֆուտբոլիստի գինը կբարձրանա։ Հնարավոր է, որ Կոդին հունվարին հեռանա ՊՍՎ-ից։
23-ամյա ֆուտբոլիստի նկատմամբ հետաքրքրություն են ցուցաբերում ոչ միայն «Մանչեսթեր Յունայթեդն» ու «Լիվերպուլը», այլ անգլիական այլ ակումբներ։ Մադրիդի «Ռեալի» ներկայացուցիչները մի քանի անգամ ուսումնասիրել են նրա խաղը, սակայն այս պահին ակումբը բանակցություններ չի վարում ֆուտբոլիստի հետ։
Ո՛չ «Մանչեսթեր Յունայթեդը», ո՛չ էլ որևէ այլ ակումբ դեռևս չեն դիմել ՊՍՎ-ին՝ եզրային հարձակվողի համար պաշտոնական առաջարկով:
Գակպոն ընթացիկ մրցաշրջանում Նիդերլանդների հավաքականի և ՊՍՎ-ի կազմում անցկացրած 29 խաղում դարձել է 17 գոլի և 18 գոլային փոխանցման հեղինակ։ ԱԱ-2022-ում անցկացրած 3 խաղում նա խփել է 3 գոլ։
