Խորվաթիայի և Իտալիայի հավաքականները դուրս եկան Դևիսի գավաթի կիսաեզրափակիչ։
Իսպանիայի հետ քառորդ եզրափակիչի երկրորդ խաղում Մարին Չիլիչը 3 ժամ 13 րոպե տևած խաղում 5:7, 6:3, 7:6 (7:5) հաշվով հաղթեց Պաբլո Կարենո-Բուստային: Բորնա Չորիչը առաջին խաղում ուժեղ էր գտնվել Ռոբերտո Բաուտիստա-Ագուտայից՝ 6:4, 7:6 (7:4):
Խորվաթները կիսաեզրափակչում կհանդիպեն Ավստրալիայի հետ, որը քառորդ եզրափակչում հաղթել էր Նիդերլանդներին։
Իտալիայի հավաքականն իր հերթին հաղթեց ԱՄՆ-ին։ Կիսաեզրափակիչում Իտալիան կհանդիպի Գերմանիա – Կանադա զույգի հաղթողի հետ։
