Մադրիդի «Ռեալը» Իսպանիայի առաջնության 23-րդ տուրում հյուրընկալվել էր «Օսասունային» ու 4-1 հաշվով առավելության հասավ մրցակցի նկատմամբ։
Ինչպես փոխանցում է Marca-ն, «Էլ Սադար» ստադիոնում հավաքված երկրպագուները «արքայական» ակումբի ավագ Սերխիո Ռամոսի հասցեին մի շարք արտահայտություններ են թույլ տվել ու իրեր նետել նրա ուղղությամբ։
Սեկցիաներից մեկից լսվել է հետևյալ արտահայտությունը․
«Ռամո՜ս, սպանի՛ր քեզ»։
Նշենք, որ «արքայական» ակումբի գոլերից մեկը խփել է հենց Սերխիո Ռամոսը, ինչը ավելի է բարկացրել երկրպագուներին։ Նրանց բարկացրել է նաև Ունայ Գարսիայի և Ռուբեն Գարսիայի դեմ դրվագներում Ռամոսի կոպիտ խաղը։ Երկրորդի դեպքում Ռամոսը դեղին քարտ ստացավ։
