«Բարսելոնայի» գլխավոր մարզիչ Կիկե Սետյենը մեկնաբանել է հարձակվող Լիոնել Մեսսիի և կատալոնական ակումբի մարզական տնօրեն Էրիկ Աբիդալի միջև հեռակա բախումը․
Հիշեցնենք, որ Աբիդալը հարցազրույց է տվել՝ հայտարարելով, որ ոչ բոլոր ֆուտբոլիստներն են գոհ եղել նախկին գլխավոր մարզիչ Էռնեստո Վալվերդեից: Այս խոսքերից հետո Մեսսին դժգոհություն հայտնեց սոցիալական ցանցերում:
«Այս իրավիճակը ազդում է մամուլի վրա, բայց ոչ իմ: Ես կենտրոնացած եմ ֆուտբոլի վրա, և աշխարհի յուրաքանչյուր ակումբում խնդիրներ կան: Կան բաներ, որոնք ես չեմ կարող վերահսկել: Խոսեք ինձ հետ ֆուտբոլի մասին, մնացածը ինձ չի հետաքրքրում:
Մեսսին ունի փորձ և իրավունք անել այն, ինչ ուզում է: Ես չեմ պատրաստվում կյանք սովորեցնել նրան: Իմ խնդիրն է նրանց երջանիկ տեսնել ակումբում: Մնացածը ինձանից կախված չէ », — Սետյենի խոսքերն է մեջբերում AS-ը: