Ազատ ոճի ըմբշամարտի Հայաստանի հավաքականի անդամ Գևորգ Մխեյանի համար Իտալիայում կայանալիք Եվրոպայի առաջնությունն առաջին միջազգային մրցաշարը կլինի մեծահասակների պայքարում: Մինչ այս Մխեյանը մինչև 23 տարեկանների ԵԱ-ի բորնզե մեդալակիր էր դարձել, իսկ անցած տարվա նոյեմբերին առաջին անգամ ազատ ոճի ըմբշամարտի Հայաստանի մեծահասակների առաջնությանը մասնակցելով` ոսկե մեդալակիր էր դարձել.
«Մարզավիճակս շատ լավ է: Արդեն 4-րդ հավաքն ենք անցկացնում ու փորձում ենք հասնել առավելագույն մակարդակին: Այո, մեծահասակների առաջին մրցաշարին եմ մասնակցելու ու պատասխանատվությունը շատ մեծ է: Փորձելու եմ արդարացնել մարզիչների սպասումներն ու հնարավորինս լավ մեդալ նվաճել»,- ասել է Մխեյանը:
Թեհրանում հունվարին կայացած Թախթիի Գավաթի 40-րդ խաղարկությունում Մխեյանն արծաթե մեդալ էր նվաճել. ասում է` մարզիչների հետ աշխատել են սխալները հնարավորինս շտկելու ուղղությամբ.
«Տեսանք մեր սխալները, մարզիչների հետ փորձում ենք հնարավորինս շտկել ու քչացնել սխալները և ԵԱ-ին մոտենալ հնարավորինս քիչ սխալներով, որպեսզի արդյունքն ավելի լավը լինի»,- ասում է Մխեյանը:
Հիշեցնենք` Իտալիայի մայրաքաղաք Հռոմում փետրվարի 10-ից 16-ը կայանալիք Եվրոպայի առաջնությունում ազատ ոճայինները հանդես կգան 10 մարզիկով`Միհրան Ջաբուրյան (57 կգ), Արսեն Հարությունյան (61 կգ), Վոլոդյա Ֆրանգուլյան (65 կգ), Գևորգ Մխեյան (70 կգ), Հրայր Ալիխանյան (74 կգ), Արմեն Ավագյան (79 կգ), Հովհաննես Մխիթարյան (86 կգ), Մարզպետ Գալստյան (92 կգ) Սարգիս Հովսեփյան (97 կգ), Լևան Բերիանիձե (125 կգ):