Խառը մենամարտերի (UFC) ռուսաստանցի մարտիկ Արման Ծառուկյանը հրաժարվել է մենամարտ անցկացնել Ռուսաստանը ներկայացնող Իսլամ Մախաչևի հետ: Այս մասին Ծառուկյանը հայտնել է ТАСС-ին.
«Ինձ առաջարկեցին մենամարտ անցկացնել Իսլամ Մախաչևի հետ՝ բարելավված պայմաններով: Ես հրաժարվեցի: Ինձ ավելի շատ ժամանակ է անհրաժեշտ այդպիսի մենամարտին պատրաստվելու համար: Կարծում եմ՝ ապագայում դեռ կհանդիպեմ նրա հետ»,- ասել է Ծառուկյանը:
Ծառուկյանը փետրվարի 26-ին Լաս Վեգասում կայանալիք UFC Fight Night մրցաշարում կմենամարտի Իսպանիայի ներկայացուցիչ Խոել Ալվարեսի հետ։