💥 Տրանսֆերային պատուհանի վերջին օրվա ամենակարևոր և հետաքրքիր գործարքները

Հունվարի 31-ին մի շարք առաջնություններում փակվեց տրանսֆերային պատուհանը։ Մասնավորապես Իտալիայում, Գերմանիայում, Անգլիայում և ևս մի քանի եվրոպական առաջնություններում տրանսֆերային պատուհանը փակվեց տեղի ժամանակով ուղիղ կեսգիշերին․․․ Տրանսֆերային պատուհանի վերջին օրը բավականին լի էր նոր գործարքներով, որոնցից կարևորագույններին կանդրադառնանք այս նյութում․․․ Որոշ գործարքներ էլ մոտեցել են ավարտին, սակայն այս նյութը պատրաստելու ընթացքում դեռևս պաշտոնական տեղեկություն այդ տրանսֆերների վերաբերյալ չի եղել, այնպես որ, այդ գործարքներից ամենակարևորներին կանդրադառնանաք արդեն փետրվարի 1-ին։

⚽  Հայաստանի հավաքականի հարձակվող Սարգիս Ադամյանը կարիերան կշարունակի Բելգիայում։ Բելգիական «Բրյուգեն» իր պաշտոնական կայքի միջոցով հայտնեց Ադամյանին կես տարով վարձակալելու մասին։ Նշենք, որ բելգիական ակումբի գլխավոր մարզիչն է համարվում Ալֆրեդ Շրյոդերը, որի գլխավորությամբ Սարգիսը հանդես է եկել «Հոֆենհայմի» կազմում։

⚽ Թուրինի «Յուվենտուսի» կիսապաշտպան Աարոն Ռեմսին մինչև մրցաշրջանի ավարտը վարձավճարով տեղափոխվել է «Գլազգո Ռեյնջերս»։ Շոտլանդիական ակումբում նա հանդես կգա 16-րդ համարի ներքո։ Ավելի վաղ հաղորդվում էր, որ ակումբը կիսապաշտպանի տրանսֆերը գնելու հնարավորություն կունենա։ Ընթացիկ մրցաշրջանում Ռեմսին 3 հանդիպում է անցկացրել Ա Սերիայում։

⚽ «Լիլի» և Մոզամբիկի հավաքականի պաշտպան Ռեյնիլդո Մանդավան տեղափոխվել է Մադրիդի «Աթլետիկո»։ Աֆրիկացի 28-ամյա ֆուտբոլիստի հետ պայմանագիրը նախատեսված է մինչև 2025 թվականը։ Գործարքի արժեքը կազմել է 3 մլն եվրո։

⚽ «Տոտենհեմի» կիսապաշտպան Դելե Ալլին պայմանագիր է կնքել «Էվերտոնի» հետ։ Այս մասին Twitter-ում հայտնել է ակումբի մամուլի ծառայությունը։ 25-ամյա անգլիացու հետ պայմանագիրը նախատեսված է մինչև 2024 թվականի ամառ։

⚽ «Բրայթոնի» պաշտպան Դեն Բիրնը պայմանագիր է կնքել «Նյուքասլի» հետ, հայտնում է ակումբի պաշտոնական կայքը։ 29-ամյա անգլիացու հետ պայմանագիրը նախատեսված է մինչև 2024 թվականի ամառը։ Տրանսֆերը «կաչաղակներին» արժեցել է 15,5 միլիոն եվրո։

⚽ «Տիգրեսի» և Մեքսիկայի հավաքականի պաշտպան Կարլես Սալսեդոն տեղափոխվել է «Տորոնտո»․ հակառակ ուղությամբ տեղափոխվել է վենեսուելացի վինգեր Յեֆերսոն Սոլտեդոն։

⚽ «Վալենսիայի» հարձակվող Մանու Վալյեխոն վարձավճարով միացել է «Ալավեսին» մինչև մրցաշրջանի ավարտը, հայտնում է «չղջիկների» մամուլի ծառայությունը։ 24-ամյա ֆուտբոլիստը «Վալենսիայում» հանդես է գալիս 2019 թվականի ամառվանից՝ «Կադիսից» տեղափոխվելուց հետո: Ակումբի կազմում անցկացրած 57 խաղում նա դարձել է 9 գոլի հեղինակ։

⚽ «Լիոնի» և Ալժիրի հավաքականի հարձակվող Իսլամ Սլիմանին տեղափոխվել է Լիսաբոնի «Սպորտինգ»։ Աֆրիկացի 33-ամյա ֆուտբոլիստը նոր ակումբ է տեղափոխվել ազատ գործակալի կարգավիճակով։

⚽ «Էլչեի» հարձակվող Լուկաս Պերեսը տեղափոխվել է «Կադիս»։ 33-ամյա ֆուտբոլիստը նոր ակումբ է տեղափոխվել 200 հազար եվրոյի դիմաց։

⚽ «Նորվիչի» առաջատարներից մեկը՝ կիսապաշտպան Թոդ Քենթվիլը, վարձավճարով տեղափոխվել է «Բորնմութ»։

⚽ «Սարպսբորգի» և Մալիի հավաքականի հարձակվող Իբրահիմա Կոնեն տեղափոխվել է «Լորյան»․ գործարքի արժեքը կազմել է մոտ 4 մլն եվրո։

⚽ «Մայնցի» հարձակվող Ժան-Ֆիլիպ Մատետան տեղափոխվել է «Քրիսթալ Փելաս»։ Ֆրանսիացի 24-ամյա ֆուտբոլիստի տրանսֆերի արժեքը կազմել է 11 մլն եվրո։

⚽ «Քարդիֆի» և Ուելսի հավաքականի հարձակվող Կիֆեր Մուրը տեղափոխվել է «Բորնմութ»․ գործարքի արժեքը կազմել է մոտ 4 մլն եվրո։

⚽ ՖԱ «Քաթարի» հարձակվող Յուսեֆ Բելաիլին ազատ գործակալի կարգավիճակով տեղափոխվել է «Բրեստ»։

⚽ «Հոֆենհայմի» պաշտպան Ջոշուա Բրենետը ազատ գործակալի կարգավիճակով տեղափոխվել է «Տվենտե»։

⚽  «Արսենալը» հայտարարել է «Կոլորադո Ռապիդսի» կենտրոնական պաշտպան Օսթոն Թրաստիի հետ պայմանագիր կնքելու մասին: 23-ամյա խաղացողը վարձավճարով կշարունակի հանդես գալ MLS-ի ակումբում առնվազն մինչև մայիս, իսկ 2022/23 մրցաշրջանում լոնդոնցիները նախատեսում են նրան վարձակալությամբ տրամադրել եվրոպական ակումբներից մեկին։

⚽ Հարձակվող Գորան Պանդևը դարձել է «Պարմայի» խաղացող, հայտնում է իտալական ակումբի պաշտոնական կայքը։ Նրա նախորդ ակումբը եղել է «Ջենոան»: Գործարքի մանրամասները չեն հաղորդվում, սակայն նշվում է, որ խոսքը մշտական ​​հիմունքներով տրանսֆերի մասին է, այլ ոչ թե վարձակալության։

⚽ «Սպորտինգի» կիսապաշտպան Ջիովանին վարձավճարով տեղափոխվել է «Լացիո»։

⚽ «Յանգ Բոյսը» հայտարարել է կիսապաշտպան Քրիստոֆեր Մարտինս Պերեյրայի՝ Մոսկվայի «Սպարտակ» տեղափոխության մասին։  Երկուշաբթի օրը Լյուքսեմբուրգի հավաքականի 24-ամյա ֆուտբոլիստը բարեհաջող բուժզննում է անցել ու պայմանագիր կնքել կարմիր-սպիտակների հետ։ Վարձակալության պայմանագիրն ուժի մեջ է մինչև 2022 թվականի հունիսի 30-ը և նախատեսում է մոսկովյան ակումբի կողմից առաջնահերթ տրանսֆերային գնման հնարավորությունը։

⚽ «Լացիոյի» հարձակվող Վեդադ Մուրիքին վարձավճարով տեղափոխվել է «Մալյորկա»։

⚽ «Մանչեսթեր Յունայթեդի» նիդեռլանդացի կիսապաշտպան Դոնի վան դե Բեկը վարձավճարով տեղափոխվել է «Էվերտոն» մինչև այս մրցաշրջանի ավարտը։ Այդ մասին հայտնում է լիվերպուլյան ակումբի մամուլի ծառայությունը։

⚽ «Նյուքասլ Յունայթեդը» վարձավճարով ձեռք է բերել «Ասթոն Վիլլայի» պաշտպան Մեթ Թարգեթին, հայտնում է ակումբի պաշտոնական կայքը։ Պայմանագիրը ուժի մեջ է մինչև մրցաշրջանի ավարտը։

⚽ «Սպարտակը» հայտարարել է հարձակվող Էսեկիել Պոնսեի` «Էլչե» տեղափոխության մասին։ Իսպանական ակումբը ֆուտբոլիստին վարձակալել է մինչև 2021/22 մրցաշրջանի ավարտը՝ ամբողջական տրանսֆերը գնելու հնարավորությամբ։

⚽ «Տոտենհեմի» կիսապաշտպան Ջովանի Լո Չելսոն վարձավճարով միացել է «Վիլյառեալին» մինչև մրցաշրջանի ավարտը, հայտնում է անգլիական ակումբի մամուլի ծառայությունը։

⚽ «Սալերինտանան» ևս մեկ նորեկ ունի․ «Ջենոայի» փորձառու կիսապաշտպան Իվան Ռադովանովիչը անվճար տեղափոխվել է «Սալերինտանա»։

⚽ «Հոֆենհայմի» կիսապաշտպան Միյատ Գաչինովիչը վարձավճարով տեղափոխվել է «Պանատինաիկոս»։

⚽ «Տոտենհեմի» կիսապաշտպան Բրայան Խիլը վարձավճարով տեղափոխվել է «Վալենսիա»։

⚽ Թուրինյան ակումբը նաև կորուստներ ունի․ «Յուվենտուսն» իր պաշտոնական կայքում հայտնել է կենտրոնական կիսապաշտպան Ռոդրիգո Բենտանկուրի հեռանալու մասին։ 24-ամյա ուրուգվայցին տեղափոխվել է Լոնդոնի «Տոտենհեմ», որտեղ միացել է նոր ակումբին մշտական ​​հիմունքներով: Ըստ լրատվամիջոցների՝ տրանսֆերի գումարը կազմել է 19 մլն եվրո, գումարած ևս 6 մլն եվրո՝ որպես բոնուս։

«Յուվենտուսի» ևս մեկ կիսապաշտպան՝ Դեյան Կուլուշևսկին, կարիերան կշարունակի «Տոտենհեմում»: Լոնդոնյան ակումբը 21-ամյա շվեդին վարձավճարով վերցրել է 1,5 տարով, հայտնում է թուրինյան ակումբի կայքը։

⚽ «Լիվերպուլի» պաշտպան Նաթանիել Ֆիլիպսը վարձավճարով տեղափոխվել է «Բորնմութ»։

⚽ Մյոնխենգլադբախի «Բորուսիայի» կիսապաշտպան Դենիս Զաքարիան տեղափոխվել է «Յուվենտուս», հայտնում է գերմանական ակումբի կայքը։ Ֆուտբոլիստը պայմանագիր է կնքել իտալական թիմի հետ բարեհաջող բուժզննում անցնելուց հետո։ Գործարքը թուրինյան ակումբին արժեցել է 5 մլն եվրո։

⚽ Բայց Զաքարիան թուրինյան ակումբի միակ նորեկը չէ․ «Ֆրոզինոնեի» պաշտպան Ֆեդերիկո Գատտին պայմանագիր է կնքել «Յուվենտուսի» հետ։ Պայմանագիրը կնքվել է մինչև 2026 թվականի ամառ, սակայն 2021/22 մրցաշրջանը ֆուտբոլիստը կանցկացնի իր ներկայիս ակումբում։ Գործարքի արժեքը կազմել է 7,5 մլն եվրո։

⚽ «Լիոնը» շատ ակտիվ է տրանսֆերային շուկայում․ ակումբը հայտարարել է «Տոտենհեմի» կիսապաշտպան Տանգի Նդոմբելեին վարձակալելու մասին՝ 1,42 միլիոն եվրոյով։ Ֆուտբոլիստի վարձակալության ժամկետը կլրանա հունիսի վերջին, որից հետո ակումբն իրավունք կունենա ձեռք բերել ֆուտբոլիստի ամբողջական տրանսֆերը։

⚽ «Ատալանտան» հայտարարել է «Պարմայի» կիսապաշտպան Վալենտին Միխայլեի հետ պայմանագիր կնքելու մասին։ Ակումբները պայմանավորվել են վարձակալության պայմանագիր կնքել մինչև մրցաշրջանի ավարտը, մինչդեռ Բերգամոյի ակումբը ստացել է նաև Ռումինիայի հավաքականի ֆուտբոլիստի ամբողջական տրանսֆերը հետագայում գնելու իրավունք։

⚽ «Բրեստի» կիսապաշտպան Ռոմեն Ֆևրը տեղափոխվել է «Լիոն», հայտնում է ֆրանսիական ակումբի կայքը։ Ֆուտբոլիստի հետ պայմանագիրը նախատեսված է մինչև 2026 թվականի ամառ։ 23-ամյա ֆրանսիացու տրանսֆերը «Լիոնին» կարժենա 15 միլիոն եվրո՝ գումարած ևս երեք միլիոն եվրո՝ որպես բոնուսներ։

⚽ «Ռիվեր Փլեյթի» հարձակվող Խուլիան Ալվարեսը տեղափոխվել է «Մանչեսթեր Սիթի», հայտնում է ակումբի կայքը։ 22-ամյա արգենտինացին 5,5 տարվա պայմանագիր է կնքել։ Նա «Ռիվերում» կմնա վարձավճարով մինչև 2022 թվականի ամառ։

⚽ Իսկ ահա նիգերիացի հարձակվող Սիմին Ա Սերիայից տեղափոխվեց Բ Սերիա․ Ֆուտբոլիստը հեռացավ «Սալերինտանայից» և միացավ «Պարմային»։

⚽ Իսկ այժմ մեկ «մարզչական տրանսֆեր»․ «Էվերտոնի» նոր գլխավոր մարզիչը Ֆրենկ Լեմպարդն է։ Այդ պաշտոնում նրա նշանակման մասին հայտնում է ակումբի մամուլի ծառայությունը։ Նա պայմանագիր է կնքել 2,5 տարով, որն ուժի մեջ կլինի մինչեւ 2024 թվականի ամառ։

⚽ «Սալերինտանան» այսօրվա գլխավոր նյուզմեյերներից մեկն է․ ևս մեկ ֆուտբոլիստ մրցաշրջանը կավարտի այս ակումբում։ Թիմին վարձավճարով միացել է «Յուվենտուսի» ռումինացի պաշտպան Ռադու Դրագուշինը։

⚽ Կամերունի հավաքականի հարձակվող Դիդյե Լամկել Զեի գործակալ Շարբել Էրսոյը հայտարարել է «Անտվերպենի» ֆուտբոլիստի՝ «Խիմկի» տեղափոխության մասին։

⚽ Քիչ առաջ գրել էինք, որ նիգերիացի հարձակվող Սիմին հեռացել է «Սալերինտանայից» և միացել «Պարմային»։ Եվ ահա, «Սալերինտանան» շատ արագ գտավ նրա փոխարինողին․ «Սպորտ Ռեսիֆեի» հարձակվող Միկելը վարձավճարով հանդես կգա Ա Սերիայի ակումբում։ Բայց սա իտալական ակումբի միակ տրանսֆերը չէ․ թիմին վարձավճարով միացել է ևս մեկ հարձակվող՝ ֆրանսիացի Լիս Մուսեն «Շեֆիլդ Յունայթեդից»։

⚽ «Բարնլին» հայտարարել է «Վոլֆսբուրգի» և Նիդեռլանդների հավաքականի հարձակվող Վութ Վեգորստի հետ պայմանագիր կնքելու մասին: Անգլիական ակումբի պայմանագիրը 29-ամյա ֆուտբոլիստի հետ նախատեսված է մինչև 2025 թվականի ամառ։ Գործարքի արժեքը կազմել է 14 մլն եվրո։

⚽ Եվս մեկ դանիացի ֆուտբոլիստ փոխեց ակումբային գրանցումը․ «Կոպենհագենի» և Դանիայի հավաքականի հարձակվող Յոնաս Վինդը տեղափոխվել է «Վոլֆսբուրգ»։ Գերմանական ակումբին հարձակվողի տրանսֆերն արժեցել է 12 մլն եվրո։ Պայմանագիրը կնքվել է մինչև 2026 թվականի ամառ, իսկ ֆուտբոլիստը հանդես կգա 23 համարի ներքո։

⚽ Մադրիդի «Ռեալի», «Էվերտոնի» և մի շարք այլ ակումբների նախկին կիսապաշտպան Ռոյստոն Դրենտեն կարիերան կշարունակի Սեգունդա Բ-ի «Մուրսիա» ակումբում։ Պայմանագիրը կնքվել է մինչև 2021/22 մրցաշրջանի ավարտը՝ ևս մեկ տարով երկարաձգելու հնարավորությամբ։

⚽ Երկու հետաքրքիր տրանսֆեր է ձևակերպել «Կոպենհագենը»․
Մամադու Կարամոկո․ ԼԱՍԿ-ից՝ «Կոպենհագեն»․ 1,5 մլն եվրո
Ակինկունմի Ամո․ «Համարբյուից»՝ «Կոպենհագեն»․ 4,5 մլն եվրո

⚽ ԲԿՄԱ-ի նորվեգացի կիսապաշտպան Էմիլ Բոհինենը վարձավճարով տեղափոխվել է «Սալերնիտանա», հայտնում է մոսկովյան ակումբի մամուլի ծառայությունը։

💖 «Տոտենհեմի» մամուլի ծառայությունն արձագանքել է թիմի նախկին կիսապաշտպան Քրիստիան Էրիկսենի՝ «Բրենտֆորդ» տեղափոխվելու մասին լուրին։ «Հիանալի է քեզ տեսնել Պրեմիեր լիգայում, Քրիստիան»,- գրել է «Տոտենհեմը»:

⚽ Ամենասպասված տրանսֆերներից մեկը․ «Բրենտֆորդի» մամուլի ծառայությունը հայտնեց, որ կիսապաշտպան Քրիստիան Էրիկսենը պայմանագիր է կնքել ակումբի հետ։ Գործող պայմանագիրը նախատեսված է մինչև այս մրցաշրջանի ավարտը՝ այն երկու տարով երկարաձգելու հնարավորությամբ։ Ավելի վաղ Միլանի «Ինտերը» երկկողմանի համաձայնությամբ խզել էր պայմանագիրը Էրիկսենի հետ, քանի որ տեղադրված սրտի դեֆիբրիլյատորի պատճառով ֆուտբոլիստին արգելված է խաղալ Իտալիայում։

⚽ «Լևանտեն» հայտարարել է «Յուվենտուսի» և «Բարսելոնայի» նախկին պաշտպան Մարտին Կասերեսի հետ պայմանագիր կնքելու մասին։ Ուրուգվայցի 34-ամյա ֆուտբոլիստը իսպանական ակումբին միացել է «Կալյարիից»՝ անվճար: «Լևանտեի» հետ պայմանագիրը նախատեսված է մինչև այս մրցաշրջանի ավարտը՝ ևս մեկ տարով երկարաձգելու հնարավորությամբ։

⚽ Եվս մեկ ուկրաինացի՝ թոփ առաջնությունում․ կիսապաշտպան Դանիլ Իգնատենկոն դարձել է ֆրանսիական «Բորդոյի» խաղացող։ Ուկրաինացի կիսապաշտպանը «Շախտյորից» տեղափոխվել է վարձավճարով՝ ամբողջական տրանսֆերի գնման իրավունքով։

⚽ Մոհամեդ Իհատարենը վերադարձել է Նիդեռլանդներ. «Այաքսը» համաձայնության է եկել «Յուվենտուսի» հետ հոլանդացի կիսապաշտպանին մեկ տարով վարձակալելու վերաբերյալ՝ խաղացողի տրանսֆերը գնելու հնարավորությամբ:

⚽ «Լոկոմոտիվը» և «Չելսին» համաձայնության են եկել կիսապաշտպան Ֆաուստինո Անջորինի վարձավճարի պայմանագրի վաղաժամկետ խզման շուրջ։ Այս մասին հայտնում է երկաթուղայինների մամուլի ծառայությունը։

⚽ Հարձակվող Վլադիսլավ Սուպրյագան Կիևի «Դինամոյից» վարձավճարով տեղափոխվեց «Սամպդորիա»: Այս մասին հայտնում է իտալական ակումբի մամուլի ծառայությունը։ 21-ամյա խաղացողի վարձակալության պայմանագիրը նախատեսված է մինչև մրցաշրջանի ավարտը։ Գործարքը ներառում է վարձակալության ժամկետի ավարտին Սուպրյագայի ամբողջական տրանսֆերը գնելու տարբերակ:

⚽ «Վոլֆսբուրգը» հայտարարել է «Յունիոնի» հարձակվող Մաքս Կրուզեի հետ պայմանագիր կնքելու մասին: Գերմանիայի հավաքականի նախկին հարձակվողը «գայլերի» հետ պայմանագիր է կնքել մինչև 2023 թվականի ամառ։ Գործարքը կազմել է 5 մլն եվրո։