Բռնցքամարտի Հայաստնի առաջնությունն աստիճանաբար թևակոխում է վճռական փուլ: 5 քաշային կարգերում ասյօր հայտնի են դարձել եզրափակիչի մասնակիցները:
«48 կգ քաշային կարգում Գյումրու մարզադպրոցի սան Սեյրան Վարդանյանը առավելության հասավ Արմեն Ղուշչյանի նկատմամբ: 54 կգ քաշային կարգում Վլադիմիր Ենգիբարյանի մազրադպրոցը ներկայացնող Էրիկ Թոխյանը համառ պայքարում հաղթեց աշխարհի առաջնության մասնակից Վահե Բադալյանին :
Նույն քաշային կարգում եզրափակիչի ուղեգիր ձեռք բերեց նաև Ջանիկ Սահակյանը, ով առավելության հասավ Սուրեն Ռուբինյանի նկատմամբ: 57 կգ քաշային կարգում Արթուր Բազեյանը մեծ առավելությամբ հաղթեց Դավիթ Հովհաննիսյանին: Եզրափակիչում նա կմրցի օլիմպիական հրթափոխի քոլեջի սան Ռուսլան Ասլիկյանի հետ: 71 կգ քաշային կարգում եզրափակիչ դուրս եկան Գեղարքունիքը ներկայացնող Նարեկ Զախարյանն ու Հայրիկ Նազարյանը:
75 կգ քաշային կարգում ¼ եզրափակիչում հաղթանակներ տոնեցին Լիպարիտ Ուստյանը, Սուրիկ Համբարյանը, Լիպարիտ Ղուլարյանն ու Վաղթանգ Հարությունյանը: 80 կգ քաշային կարգում եզրափակիչ են դուրս եկել մինչև 22 տարեկանների Եվրոպայի փոխչեմպիոն Համբարձում Հակոբյանն ու Եվրոպական խաղերի բրոնզե մեդալակիր Գոռ Ներսիսյանը:
92 կգ քաշային կարգում էլ հաղթանակ է տոնել Նարեկ Մանասյանը»,- տեղեկացնում է Հայաստանի բռնցքամարտի ֆեդերացիայի մամուլի ծառայությունը։
