«Ռոմայի» և Հայաստանի հավաքականի կիսապաշտպան Հենրիխ Մխիթարյանը խոսել է Դորտմունդի «Բորուսիայում» իր նախկին խաղընկեր Ռոբերտ Լևանդովսկու և գերմանական ակումբի ներկայիս ռմբարկու Էրլինգ Հոլանդի մասին:
«Նրանք տարբեր խաղացողներ են: Դժվար է համեմատել։ Ես մեկ տարի խաղացել եմ Լևանդովսկու հետ։
Ռոբերտը հիանալի խաղացող է, նրա վերջին երկու մրցաշրջանները պարզապես հիանալի էին: Բայց ապագան Հոլանդինն է։ Նրանք երկուսն էլ հիանալի են և արժանի են լինել աշխարհի լավագույն հարձակվողներից մեկը:
Երկուսն էլ «Ոսկե գնդակը» հավակնորդների ցուցակում են։ Ռոբերտը արժանի է այդ մրցանակին։ Բայց ես վստահ եմ, որ մի օր Հոլանդը կնվաճի «Ոսկե գնդակը»։ Նա ամեն ինչ ունի աշխարհի լավագույն ռմբարկու դառնալու համար»,- ասել է Մխիթարյանը Sport 1 հեռուստաալիքին տված հարցազրույցում։
