Շանհայում ավարտին է մոտենում ATP Մասթերս-1000 շարքի մրցաշարը։ Առաջին կիսաեզրափակչում Դանիլ Մեդվեդևը մցեց Ստեֆանոս Ցիցիպասի հետ։
Ռուս թենիսիստը երկու սեթում առավելության հասավ մրցակցի նկատմամբ 7-6(5), 7-5 հաշվով և դուրս եկավ Շանհայի Մասթերսի եզրափակիչ։ Սա Դանիլ Մեդվեդևի վեցերորդ անընդմեջ մրցաշարն է, երբ ռուս թենիսիստը առնվազն եզրափակիչ է հասնում։ Մինչ այս մրցաշարը Դանիլը խաղացել էր Վաշինգտոնի, Մոնրեալի, Ցինցինատիի, US Open-ի և Սանկտ Պետերբուրգի մրցաշարերի եզրափակիչներում։ Այս մրցաշարերից Դանիլը հաղթել էր միայն Ցինցինատիում և Սանկտ Պետերբուրգում։
Նշենք նաև, որ Դանիլ Մեդվեդևը կարիերայի ընթացքում երրորդ անգամ է դուրս գալիս Մասթերս-1000 մրցաշարի եզրափակիչ։ Այս մրցաշրջանում 23-ամյա թենիսիտը նաև Մոնրեալի և Ցինցինատիի Մասթերսների եզրափակիչ է հասել։
Եզրափակչի մյուս ուղեգիրը կվիճարկեն Մատեո Բերետինին և Ալեքսանդր Զվերևը։
