Սեմինար-հանդիպում է տեղի ունեցել «Փյունիկ» ակադեմիայի մարզչական շտաբի հետ։ Այս մասին տեղեկացնում է երևանյան ակումբի մամուլի ծառայությունը։
Նշվում է, որ «Փյունիկ» ՖԱ սեփականատեր Արթուր Սողոմոնյանը, «Փյունիկ» ՖԱ նախագահի խորհրդական Վադիմ Վիզեն և «Փյունիկ» ՖԱ փոխնախագահ Ալեքսանդր Տարխանովը մանրամասներ են ներկայացրել։
«Նոր մրցաշրջանը մեկնարկում է, և մենք, իսկապես, շատ բան ենք ուզում փոխել։ Ուսումնասիրում ենք այն երկրների փորձը, որտեղ ֆուտբոլը մեծ հաջողություններ է գրանցում։ Հասկացել ենք, որ շատ հարցերում մենք դեռ, ցավոք, հետ ենք մնում։ Ամեն ինչ կարելի է շտկել ու մեր ակումբը շատ լրջորեն է աշխատում նոր ծրագրի, նոր փիլիսոփայության վրա, որն իր արդյունքը կտա։
Մենք ուսումնասիրում ենք արտասահմանյան փորձը, բայց հասկանում ենք, որ դա պիտի համադրենք մեր ունեցած հնարավորությունների, մենթալիտետի հետ։
«Փյունիկում» մենք ժամանակի մեծ մասը ծախսել ենք ֆուտբոլային վարպետություն ուսուցանելու վրա, բայց հիմա մենք փոխում ենք մեր քաղաքականությունը․ առաջին տեղում ուզում ենք դնել բնավորություն ձևավորելու հարցը։ Խոսքը կամային հատկանիշների մասին է, որպեսզի երեխաները որպես մարզիկ դաստիարակվեն, սովորեն հասնել իրենց նպատակներին․․․իսկ հետո նոր ֆուտբոլը »,- ասել է Սողոմոնյանը։
Մանրամասները՝ ակումբի պատրաստած տեսանյութում։
