Արգենտինայի հավաքականը հաղթանակ կորզեց Ուրուգվայից ՝ Ամերիկայի գավաթի խմբային փուլի 2-րդ տուրի խաղում: Հանդիպումը տեղի ունեցավ հունիսի 19-ի գիշերը (Երևանի ժամանակով) և ավարտվեց 1:0 հաշվով: Միակ գոլը 13-րդ րոպեին խփեց Գիդո Ռոդրիգեսը, ում օգնեց Լիոնել Մեսսին՝ կատարելով գոլային փոխանցում:
Արգենտինացիները տարան իրենց առաջին հաղթանակը, վաստակեցին 4 միավոր և դուրս եկան A խմբում առաջին հորիզոնական։ Ուրուգվայի համար սա առաջին խաղն էր մրցաշարում, թիմը գտնվում է նախավերջին՝ 4-րդ տեղում:
Նույն հաշիվը գրանցվեց նաև Չիլիի և Բոլիվիայի հավաքականների միջև խաղում։ Միակ գնդակը Չիլիի հավաքականի կազմում խփեց Բեն Բերետոնը։ Չիլիի հավաքականի համար սա ևս առաջին հաղթանակն էր այս մրցաշարում։ Չիլին վաստակել է 4 միավոր, իսկ Բոլիվիան դեռ միավորներ չունի։