ԵԱ-2020-ի F խմբի խաղում մրցում էին Ֆրանսիայի ու Գերմանիայի հավաքականները։ Մյունխենի «Ալյանց Արենա» մարզադաշտում աշխարհի գործող չեմպիոն Ֆրանսիան նվազագույն հաշվով հաղթանակ տարավ։ Հանդիպման միակ գոլը 20-րդ րոպեին խփեց գերմանացիների ֆուտբոլիստ Մատս Հյումելսը՝ դառնալով ինքնագոլի հեղինակ։
Թեև ողջ խաղի ընթացքում տեմպը բարձր էր ու երկու թիմերն էլ մերթընդմերթ գրոհներ էին ձեռնարկում, գոլեր այլևս չգրանցվեցին,, եթե հաշվի չառնենք, որ խաղավարտին Կարիմ Բենզեմայի հեղինակած գնդակը մրցավարը չարձանագրեց։
Այսպիսով, Ֆրանսիայի հավաքականը 3 միավոր վաստակեց ու խմբում 2-րդ տեղում է։ Գերմանիան 0 միավորով՝ 3-րդը։ F խմբում են ընդգրկված նաև Պորտուգալիայի (3) և Հունգարիայի (0) ընտրանիները։