«Ռեալի» կիսապաշտպան Ֆեդերիկո Վալվերդեն չնայած առողջական խնդիրներին՝ պատրաստ է խաղադաշտ դուրս գալ ՉԼ քառորդ եզրափակչի՝ «Լիվերպուլի» դեմ պատասխան խաղում։
Լա լիգայի 30-րդ տուրի՝ «Բարսելոնայի» դեմ խաղում (2-1) Վալվերդեն վնասվածք էր ստացել ու «Լիվերպուլի» դեմ խաղից երկու օր առաջ անհատական մարզումներ էր անցկացնում։
Ինչպես գրում է Marca-ն՝ պլանավորվում է սրսկումների միջոցով մեղմել ուրուգվայցու ցավերը։ Նման որոշումը ռիսկային է գնահատվում, բայց Վալվերդեն պատրաստ է գնալ դրան՝ հաշվի առնելով վերջին ժամանակներում «Ռեալի» կորուստները։
«Բարսայի» դեմ մեկնարկային կազմում դաշտ դուրս եկած ֆուտբոլիստները երեկ վերականգնմամբ են զբաղվել, իսկ մյուսները՝ ներառյալ Էդեն Ազարը, բարձր տեմպով աշխատել են խաղադաշտում։ Չնայած նրան, որ բելգիացին արդեն «Ռեալի» ընդհանուր խմբի հետ մի քանի մարզում է անցկացրել, Զիդանը նրան դեռևս չի ընդգրկում խաղերի հայտացուցակում։
Անհատապես է աշխատել պաշտպան Դանի Կարվախալը, որի վերադարձը խաղադաշտ նախատեսված է Լա լիգայի 31-րդ տուրի՝ «Կադիսի» դեմ խաղում։ Սերխիո Ռամոսն ու Լուկաս Վասկեսը վերականգնողական պրոցեդուրաներով են զբաղվել, իսկ Ռաֆայել Վարանը, որը կորոնավիրուսով է վարակված, դեռևս ինքնամեկուսացած է։
«Ռեալը» «Լիվերպուլին» կհյուրընկալվի ապրիլի 14-ին։ Խաղի մեկնարկը Երևանի ժամանակով 23:00-ին է։