Դորտմունդի «Բորուսիայի» նորվեգացի հարձակվող Էրլինգ Հոլանդը մտադիր է փոխել ակումբային գրանցումը ամառային տրանսֆերային պատուհանի ընթացքում, հաղորդում է Deportes Cuatro-ն:
Ըստ աղբյուրի՝ ֆուտբոլիստը իր որոշման մասին հայտնել է գերմանական ակումբի ղեկավարությանը եւ արդեն տուն է գնել իսպանական Մարբելյա քաղաքում:
Ավելի վաղ հաղորդվում էր, որ հարձակվողի նկատմամբ հետաքրքրություն են ցուցաբերում Մադրիդի «Ռեալը», «Բարսելոնան», «Մանչեսթեր Սիթին», «Մանչեսթեր Յունայթեդը» եւ «Չելսին»: «Բորուսիան» ֆուտբոլիստին գնահատում է 180 միլիոն եվրո:
Այս մրցաշրջանում 20-ամյա Հոլանդը «Բորուսիայի» կազմում անցկացրել է 31 հանդիպում բոլոր մրցաշարերում, խփել 33 գոլ և կատարել ութ գոլային փոխանցում: Ակումբի հետ նրա պայմանագիրն ուժի մեջ է մինչեւ 2024 թվականի ամառ:
