Ովքե՞ր են 2021-ի «Ոսկե խաղակոշիկի» հավակնորդները: Եվրոպայի ներքին առաջնությունները դադար են առել՝ հավաքականների խաղերով պայմանավորված, ուստի առաջիկա երկու շաբաթների ընթացքում լավագույն ռմբարկուների աղյուսակը չի փոխվի:
«Ոսկե խաղակոշիկը» մրցանակ է, որը յուրաքանչյուր մրցաշրջանի ավարտին տրվում է Եվրոպայի առաջնությունների բարձրագույն խմբերի լավագույն ռմբարկուին:
Միևնույն ժամանակ, յուրաքանչյուր լիգա ունի իր գործակիցը. կախված առաջնության կարգավիճակից ՝ խփած գոլը բազմապատկվում է 2-ով (Իտալիա, Անգլիա, Իսպանիա, Գերմանիա և Ֆրանսիա) կամ 1.5-ով (առաջնություն վարկանիշի 6-ից 21 դիրքեր): Մնացած առաջնությունների ռմբարկուներին, այդ թվում նաև Հայաստանի առաջնության, տրվում է միայն մեկ միավոր յուրաքանչյուր գոլի դիմաց։
«Ոսկե խաղակոշիկի» ներկայիս դափնեկիրը «Լացիոյի» հարձակվող Չիրո Իմոբիլեն է, ով Ա Սերիայի 2019/20 մրցաշրջանի խաղերում դարձել էր 36 գոլի հեղինակ: Բայց ընթացիկ մրցաշրջանում մրցանակի բացահայտ ֆավորիտը «Բավարիայի» հարձակվող Ռոբերտ Լևանդովսկին է։ Ահա այսպիսին է հավակնորդների ցուցակն այս պահին․
1. Ռոբերտ Լևանդովսկի («Բավարիա», Գերմանիա) — 35 գոլ, 70 միավոր (գործակիցը՝ 2)
2-3 Կրիշտիանու Ռոնալդու («Յուվենտուս», Իտալիա) — 23 գոլ, 46 միավոր (գործակիցը՝ 2)
2-3 Լիոնել Մեսսի («Բարսելոնա», Իսպանիա) — 23 գոլ, 46 միավոր (գործակիցը՝ 2)
4-5 Էրլինգ Հոլանդ (Դորտմունդի «Բորուսիա», Գերմանիա) — 21 գոլ, 42 միավոր (գործակիցը՝ 2)
4-5 Անդրե Սիլվա (Այնտրախտ Ֆրանկֆուրտ, Գերմանիա) — 21 գոլ, 42 միավոր (գործակիցը՝ 2)
6. Կասպեր Յունկեր («Բուդե-Գլիմտ», Նորվեգիա) — 27 գոլ, 40,5 միավոր (գործակիցը՝ 1,5)
7. Կիլիան Մբապե (ՊՍԺ, Ֆրանսիա) — 20 գոլ, 40 միավոր (գործակիցը՝ 2)
8-9 Ռոմելու Լուկակու («Ինտեր», Իտալիա) — 19 գոլ, 38 միավոր (գործակիցը ՝ 2)
8-9 Լուիս Սուարես («Ատլետիկո», Իսպանիա) — 19 գոլ, 38 միավոր (գործակիցը՝ 2)
10-11 Ամալ Պելեգրինո (Քրիստիանսունդ, Նորվեգիա) — 25 գոլ, 37,5 միավոր (գործակիցը ՝ 1,5)
10-11 Փոլ Օնուաչու («Գենկ», Բելգիա) — 25 գոլ, 37,5 միավոր (գործակիցը ՝ 1,5):
Ի դեպ, Օնուաչուին վերջերս անդրադարձել էինք «Աֆրիկացի հսկան՝ «Ոսկե խաղակոշիկի» հավակնորդ» նյութում։ Նյութին կարող եք ծանոթանալ այստեղ։
