Սիդնեյում այսօր ավարտվեց թենիսի ATP Cup մրցաշարը, որում հաղթող ճանաչվեց Սերբիայի հավաքականը։
Մրցանակների հանձման արարողության ժամանակ Սերբիայի հավաքականի առաջատար Նովակ Ջոկովիչը նշեց, որ ATP-ն հայտարարել է, որ շուրջ 750 հազար ավստրալական դոլար է նվիրաբերվել թենիսիստների կողմից Ավստրալիայի հրդեհների մարման աշխատանքների համար։
Հիշեցնենք, որ ATP Cup մրցաշարում բարեգործական ակցիա էին սկսել Ավստրալիայի հավաքականի խաղացողները, ովքեր իրենց մատուցած յուրաքանչյուր էյսի դիմաց 200 եվրո էին նվիրաբերում Ավստրալիային։
Հունվարի 15-ին՝ Ավստրալիայի բաց առաջնության մեկնարկից հինգ օր առաջ, բարեգործական հանդիպում է կայանալու Մելբուրնում, որի ողջ հասույթը դարձյալ ուղղվելու է Ավտրալիայում հրդեհի մարման աշխատանքներին։