Դորտմունդի «Բորուսիայի» հարձակվող Էրլինգ Հոլանդը կարող է թիմում մնալ ևս մի քանի մրցաշրջան:
Գերմանական ակումբի ղեկավարությունը չի նախատեսում վաճառել 20-ամյա նորվեգացուն, ով այսքան կարճ ժամանակահատվածում դարձել է իսկական առաջատար ու թիմի գլխավոր ռմբարկուն:
«Ես նրա նման մեկին երբեք չեմ տեսել: Մենք կարող ենք չգտնել նույն մակարդակի խաղացող, նույնիսկ եթե փնտրենք ամբողջ Եվրոպայում: Եթե նա երբևէ հեռանա մեր թիմից, ապա միայն մի քանի ակումբներ հնարավորություն կունենան ձեռք բերել նրան: Բայց, մարզական պատճառներով, մենք կփորձենք նրան հնարավորինս երկար պահել»,- մեջբերում է մարզական տնօրեն Միկաել Ցորկին Kicker հրատարակությունը:
Հիշեցնենք, որ Հոլանդի պայմանագիրը պարունակում է 75 միլիոն եվրո գումարի փոխհատուցման կետ, որն ուժի մեջ կմտնի 2022 թվականի ամռանը:
