Հայաստանի ֆուտբոլի ֆեդերացիան արդեն սկսել է «Տարվա լավագույն ֆուտբոլիստ» անվանակարգի քվեարկությունը, որին առաջադրված է 20 ֆուտբոլիստ։ Ինչպես հայտնի է՝ քվեարկությանը մասնակցում են հայկական ակումբների գլխավոր մարզիչները, թիմերի ավագները և մարզական լրագրողները։
Թվում է՝ այս անվանակարգի հաղթողն արդեն պարզից էլ պարզ է․ Հայաստանի ազգային հավաքականի ավագ Հենրիխ Մխիթարյանը, որը հաղթելու դեպքում այս մրցանակին կարժանանա արդեն 10-րդ անգամ։ Սակայն այլընտրանք, իհարկե, կա։ Հատկապես այս տարի մեր տղաները հաճախ են աչքի ընկնում իրենց թիմերում՝ ուրախացնելով երկրպագուներին։
ArmSport-ը ներկայացնում է լավագույնի թեկնածուներից մի քանիսին, որոնք տարվա ընթացքում առանձնացել են արդյունավետ խաղով։
Հենրիխ Մխիթարյանը թեև այս տարի ազգային հավաքականում ընդամենը երկու հանդիպման է մասնակցել՝ աչքի ընկնելով դրանցից միայն մեկի ժամանակ (գոլի հեղինակ է դարձել Ազգերի լիգայի Վրաստանի դեմ խաղում), փայլուն մրցաշրջան է անցկացնում Ա Սերիայում։ Հատկապես արդյունավետ է նրա խաղը աշնանային հատվածում․ մեր հավաքականի ավագն իր թիմում լավագույնն է խփած գոլերի և կատարած գոլային փոխանցումների քանակով:
Սարգիս Ադամյանն իր աշխատասիրության շնորհիվ նախ, հասավ «Հոֆենհայմ», իսկ ապա, արդյունավետ խաղի շնորհիվ այս տարի երկարաձգեց պայմանագիրը գերմանական ակումբի հետ մինչև 2023 թվական։ Այս տարի Ադամյանին, ցավոք, խանգարեցին վնասվածքները, սակայն նա արդեն իսկ վերսկսել է մարզումները թիմի կազմում։
Հավաքականի կազմում Սարգիսը մասնակցեց Ազգերի լիգայի 6 խաղի՝ դառնալով 2 գոլի և 1 գոլային փոխանցման հեղինակ: Նրա՝ խաղավարտին խփած գոլն էր, որ հաղթանակ պարգևեց մեր թիմին Վրաստանի դեմ տնային խաղում:
Տիգրան Բարսեղյանն արդեն իսկ արժանացել է մրցաշրջանի լավագույն ֆուտբոլիստի կոչմանը՝ «Աստանայի» երկրպագուների վարկածով։ Հայաստանի հավաքականի հարձակվողը նաև transfermarkt-ի վարկածով հայտնվել էր Ղազախստանի առաջնության տարվա թիմում: Նա Ղազախստանի ավարտված առաջնությունում, որտեղ իր թիմը նվաճեց բրոնզե մեդալներ, մասնակցել է 23 հանդիպման և դարձել է 5 գոլի ու 8 գոլային փոխանցման հեղինակ:
28-ամյա հայազգի կիսապաշտպանը ՌՊԼ-ում անցկացրած 15 խաղում դարձել է 3 գոլի հեղինակ:
Մենք ներկայացրեցինք 20 ֆուտբոլիստից առայժմ միայն 6-ին։ Իսկ ո՞վ է արժանի լավագույնի կոչմանը՝ ըստ ձեզ։
Տարվա լավագույն ֆուտբոլիստի թեկնածուներն են՝
Ադամյան Սարգիս – «Հոֆենհայմ», Գերմանիա
Անգուլո Վբեյմար – «Գանձասար-Կապան»
Բաբայան Էդգար – «Հոբրո», Դանիա
Բայրամյան Խորեն – «Ռոստով», Ռուսաստան
Բարսեղյան Տիգրան – «Աստանա», Ղազախստան
Բիչախչյան Վահան – «Ժիլինա», Սլովակիա
Գրիգորյան Արտակ – «Ալաշկերտ»
Կարապետյան Ալեքսանդր – «Տամբով», Ռուսաստան
Կորյան Արշակ – «Խիմկի», Ռուսաստան
Հարոյան Վարազդատ – «Տամբով», Ռուսաստան
Համբարձումյան Հովհաննես – «Անորտոսիս», Կիպրոս
Հովհաննիսյան Կամո «Կայրաթ», Ղազախստան
Ղադիմյան Գեղամ – «Նեման», Բելառուս
Ղազարյան Գևորգ – «ԱԵԼ» Լիմասոլ, Կիպրոս
Մխիթարյան Հենրիխ – «Ռոմա», Իտալիա
Մուրադյան Կարեն – «Արարատ»
Յուրչենկո Դավիթ – «Շախտյոր» Կարագանդա, Ղազախստան
Ոսկանյան Տարոն – «Ալաշկերտ»
Չալըշըր Անդրե – «Գյոթեբորգ», Շվեդիա
Ուդո Սոլոմոն – «Արարատ»
Ստելլա Բաբլոյան
