Եվրոպական ֆուտբոլային ասոցիացիների միությունը (ՈւԵՖԱ) այսօր՝ մարտի 17-ին, արտակարգ համաժողով է անցկացնում՝ կապված Չեմպիոնների լիգայի, Եվրոպա լիգայի, Եվրո-2020-ի և բոլոր ազգային առաջնությունների՝ կորոնավիրուսի համաճարակով պայմանավորված չեղարկումների հետ:
Առաջարկում ենք իրադարձությունների զարգացմանը հետևել լայվ ռեժիմով.
18։37․ «Եվրո-2020-ի հետաձգումը ՈՒԵՖԱ-ի համար կհանգեցնի հսկայական կորուստների, բայց մենք կանենք ամեն ինչ, որպեսզի սիրողական և կանանց ֆուտբոլի զարգացումը, ինչպես նաև 55 երկրում ֆուտբոլի զարգացումը շարունակվի», — ՈՒԵՖԱ-ի նախագահ Ալեքսանդր Չեֆերին։
18։15․ Ամառային տրանսֆերային պատուհանը կարող է հետաձգվել։ Քանի որ Եվրոպայի ֆուտբոլի առաջնությունը հետաձգվեց մեկ տարով, ապա ֆուտբոլային ներքին առաջնությունները նախատեսվում է խաղարկել մինչև հունիսի վերջ։ Այդ իսկ պատճառով ամառային տրանսֆերային պատուհանը կբացվի օգոստոսին, ոչ թե հուլիսին:
17:30. Marca-ի տեղեկություններով Չեմպիոնների լիգայի եզրափակիչը մոտ մեկ ամսով հետաձգվել է. այն կանցկացվի հունիսի 27-ին Ստամբուլում: Ինչ վերաբերում է Եվրոպա լիգայի եզրափակչին, ապա այն, ամենայն հավանականությամբ, կանցկացվի հունիսի 24-ին:
Մարամասներն՝ այստեղ:
17:00. Հայաստանի ֆուտբոլի ֆեդերացիան ևս գրառում է կատարել Եվրո-2020-ի հետաձգման թեմայով ու նաև նշել, որ հայկական ֆուտբոլին վերաբերող նորությունների մասին կհայտնի շուտով.
«ԵՎՐՈ-2020-ը հետաձգվեց մեկ տարով և կկայանա 2021 թ. հունիսի 11-ից հուլիսի 11-ը:
ՀՖՖ-ին, Հայաստանի ազգային հավաքականին և Հայաստանի առաջնությանը վերաբերող նորությունները՝ շուտով»,- ասվում է ֆեդերացիայի տարածած հաղորդագրության մեջ:
16:40. ՈւԵՖԱ-ն պաշտոնապես հաստատեց, որ Եվրո-2020-ը հետաձգվել է և կանցկացվի 2021 թվականին՝ հունիսի 11-ից հուլիսի 11-ը:
UEFA today announced the postponement of UEFA EURO 2020.
— UEFA (@UEFA) March 17, 2020
A working group has been set up with the participation of leagues and club representatives to examine calendar solutions that would allow for the completion of the current season…
Full statement: 👇
16:20. Վերջ. Եվրոպայի առաջնությունը կանցկացվի 2021 թվականին: Համաժողովի գլխավոր հարցը վերաբերել է Եվրոպայի 2020 թվականի առաջնության անցկացմանը, որը կորոնավիրուսի համաճարակի պատճառով վտանգի տակէր: Արդյունքում որոշվել է մրցաշարը տեղափոխել 2021 թվական՝ հունիսի 11-ից հուլիսի 11-ը: Այս մասին հայտնում է Նորվեգիայի ֆուտբոլային ասոցիացիան թվիթերյան գրառմամբ:
15:58. Այլ նորություններ այս պահի դրությամբ չկան: Հարկ է նշել, որ ՈւԵՖԱ-ում վերջնական որոշումը կայացնում է գործադիր կոմիտեն, որի կազմում մի շարք լեգենդար խաղացողներ են ընդգրկված՝ Զբինգնև Բոնեկն ու Դավոր Շուկերը, ֆունկցիոներներ Անդրեա Անյելին, ՊՍԺ-ի նախագահ Նասեր Ալ-Խելայիֆին, և այլք:
15:16. The New York Times-ի լրագրող Տարիկ Պանյան գրում է, որ ՈւԵՖԱ-ն ակումբներին ու լիգաներին տեղեկացրել է Եվրոն հաջորդ տարի տեղափոխելու մասին որոշումը: Բայց այն դեռ պետք է հաստատվի ազգային ֆեդերացիաների ու ՈւԵՖԱ-ի գործկոմի կողմից:
Ավելի վաղ հայտնել էինք, որ ՈւԵՖԱ-ն ակումբներից ու լիգաներից մոտ 275 մլն ֆունտ փոխհատուցում կպահանջի Եվրո-2020-ը 2021 թվականին անցկացնելու համար:
15:11. Sky Sports-ը վստահեցնում է, որ ՈւԵՖԱ-ի՝ օնլայն կոնֆերանսն ակումբների ու լիգաների ներկայացուցիչների հետ ավարտվել է: Դրանից հետո հերթը ՈւԵՖԱ-ի անդամ 55-երկրների հետ կապինն է:
14:20. Առավոտյան Daily Mail-ը գրեց, որ ՈւԵՖԱ-ն չեղարկվել է Կոպենհագենում հյուրանոցների ամրագրումը հունիսից հուլիս ամիսներին: Դանիայի մայրաքաղաքը Եվրո-ն ընդունող քաղաքներից մեկն է, ու սա, ակնհայտ, ակնարկ է, որ մրցաշարը կհետաձգվի:
14:15. The Telegraph-ը գրում է, որ ՈւԵՖԱ-ում ցանկանում են՝ եվրոպական ակումբային ֆուտբոլն ավարտել մինչև հունիսի 30-ը: Սա վերաբերում է նաև եվրագավթներին: ՈւԵՖԱ-ի պահանջներից մեկն էլ այն, որ եվրոպական բոլոր լիգաները միաժամանակ մեկնարկեն:
