La Gazzetta dello Sport-ի և Corriere della Sera-ի համաձայն, «Ռոմայի» և «Լացիոյի» տնային մարզադաշտը կարող է սկսել երկրպագուներին հյուրընկալել 2021 թվականի հունվարի սկզբին:
Հաղորդվում է, որ մարզադաշտում կկարողանան մաիաժամանակ ներկա գտնվել շուրջ 30 հազար մարդ՝ դիտարկելով անվտանգության և սոցիալական հեռավորության բոլոր արձանագրությունները: Ներկայումս արդեն մշակվում է մի ծրագիր, որպեսզի երկրպագուները կրկին լիարժեք անվտանգությամբ վերադառնան մարզադաշտ:
Ավելի վաղ հայտնի էր դարձել, որ Ա Սերիայի բոլոր ակումբները համաձայնվել են մրցաշրջանը վերսկսել հունիսի 13-ից, իսկ Իտալիայի վարչապետ Ջուզեպե Կոնտեն թույլատրել է Ա Սերիայի ակումբներին վերսկսել թիմային մարզումները։ Նշվում է, որ թիմային մարզումները կվերսկսվեն մայիսի 18-ից։
