Եվրոպական ֆուտբոլային ասոցիացիաների միության (ՈՒԵՖԱ) նախագահ Ալեքսանդր Չեֆերինը հապճեպ է անվանել ֆրանսիական իշխանությունների որոշումը՝ վաղաժամկետ դադարեցնել երկրի ֆուտբոլի առաջնությունը կորոնավիրուսի համաճարակի պատճառով:
«Կարևոր է, որ ճանաչում ենք չեմպիոնին, ինչպես նաև նրանց, ովքեր զբաղեցրել են մրցանակաին տեղեր: Բայց, իմ անձնական կարծիքով, մրցաշրջանը ավարտվեց շատ շուտ», — Չեֆերինի խոսքերն է մեջբերում BeIN Sports-ը:
ՈՒԵՖԱ-ի ղեկավարը նշել է, որ այդ նախաձեռնությունը եկել է Ֆրանսիայի կառավարության կողմից, ուստի չարժե պատասխանատվության ենթարկել լիգայի կամ ակումբների ղեկավարությանը:
«Ոչ լիգան, ոչ թիմերը ոչինչ չէին կարող անել: Ես կարծում եմ, որոշում ը կայացվել է հապճեպ», — ասել է Չեֆերինը ՝ ավելացնելով, որ ՈւԵՖԱ-ն հարգում է Ֆրանսիայի իշխանությունների COVID-19- ի տարածման համատեքստում նման որոշում կայացնելը, որն ավելի անվտանգ է երկրի համար:
Ապրիլի վերջին Ֆրանսիայի Ֆուտբոլի ֆեդերացիան որոշում է կայացրել առժամկետ դադարեցնել առաջին և երկրորդ լիգաների առաջնությունները:
Մրցաշրջանի արդյունքների հնարավորինս շուտ ամփոփումը չուշացավ․ ակումբների մրցաշրջանի արդյունքները կորոշվեն մրցաշարային աղյուսակի ներկայիս դասավորվածությամբ: Սա նշանակում է, որ 2019/20 մրցաշրջանում Ֆրանսիայի չեմպիոն է հռչակվում ՊՍԺ-ն: Չեմպիոնների լիգայում, բացի փարիզցիներից, կխաղան նաև «Մարսելը» և «Ռենը», որոնք համապատասխանաբար զբաղեցրել են 2-րդ և 3-րդ տեղերը: