Ազգերի լիգայի A լիգայի խմբային փուլի վերջին՝ 6-րդ տուրում Բելգիայի հավաքականը սեփական հարկի տակ 4–1 հաշվով հաղթել է Իտալիային։
Առաջին խաղակեսը գոլառատ ստացվեց։ Նախ, 11–րդ րոպեին հյուրերի կազմում հաշիվը բացեց Էսպոզիտոն։ 21 տարեկան հասակում Էսպոզիտոն դարձավ երկրորդ ամենաերիտասարդ ֆուտբոլիստը, որը հասավ 10 գոլի նշաձողին հավաքականի կազմում։ Նա գերազանցեց Մարիո Բալոտելիին, ով իր տասներորդ գոլը խփեց 22 տարեկան հասակում 2013 թվականին։ Ջուզեպե Մեացան (20 տարեկան) մնում է բոլոր ժամանակների ռեկորդակիրը՝ պահպանելով ռեկորդը 1931 թվականից ի վեր։
Սակայն քիչ անց Դե Կույպերը նախ հավասարեցրեց հաշիվը, իսկ Նգոյն ու Դոկուն արդեն բելգիացիներին պարգևեցին երկու գնդակի առավելություն․ դե Կետելարեն դարձավ երկու գոլային փոխանցման հեղինակ։
Երկրորդ խաղակեսում բելգիացիները էլ ավելի խոշոր դարձրին հաշիվը․ աչքի ընկավ Դիեգո Մորեյրան։
Գոլերը՝ ԱՅՍՏԵՂ։
Նույն օրը Ֆրանսիայի հավաքականը սեփական հարկի տակ 2։1 հաշվով հաղթել է Թուրքիային։
Երկրորդ խաղակեսի մեկնարկում ինքնագոլ գրանցվեց Տոչուի անվան դիմաց։ Քիչ անց Գյուլերը հավասարեցրեց հաշիվը, սակայն այդ գոլը չեղարկվեց։ 82–րդ րոպեին Էլի Կրուպին իր առաջին գոլը խփեց Ֆրանսիայի հավաքականի կազմում, իսկ հանդիպման ավարտին մոտ թուրքերը կարողացան մեկ գնդակ հետ բերել։
Գոլերը՝ ԱՅՍՏԵՂ։
Այսպիսով, Բելգիայի և Ֆրանսիայի հավաքականները նվաճեցին փլեյ–օֆֆի ուղեգիր, այս փուլում են նաև Անգիան, Իսպանիան և Պորտուգալիան։
Մրցաշարային աղյուսակը 5–րդ տուրից հետո․
