Մյունխենի «Բավարիան» պաշտոնապես հայտարարել է թիմի անգլիացի հարձակվող Հարի Քեյնի հետ պայմանագրի ժամկետը երկարաձգելու մասին։ Կողմերի միջև կնքված նոր համաձայնագիրը նախատեսված է մինչև 2029 թվականի հունիսի 30-ը։
Անգլիայի ազգային հավաքականի 33-ամյա ավագը մեկնաբանել է իր որոշումը՝ ընդգծելով, որ Գերմանիայում իրեն լիարժեք երջանիկ է զգում.
«Բավարիայում» ես ինձ զգում եմ ինչպես տանը։ Ինձ շատ են դուր գալիս ակումբը, երկրպագուները և Մյունխեն քաղաքը։ Մենք հիանալի թիմ ունենք, որը գլխավորում է հրաշալի մարզիչ Վենսան Կոմպանին։ Շատ հպարտ եմ, որ այս ակումբի մի մասնիկն եմ։ Ամբողջ ընտանիքս այստեղ երջանիկ է, և ես ցանկանում էի մնալ։ Այժմ լավատեսությամբ եմ նայում ապագային և ուզում եմ էլի շատ տիտղոսներ նվաճել այս մեծագույն ակումբի հետ», — Քեյնի խոսքերն է մեջբերում գերմանական գրանդի պաշտոնական կայքը։
Հարի Քեյնը «Բավարիա» է տեղափոխվել 2023 թվականի ամռանը։ Այդ ընթացքում հարձակվողը մյունխենյան ակումբի կազմում երկուական անգամ դարձել է Բունդեսլիգայի չեմպիոն և Ֆրանց Բեկենբաուերի անվան Գերմանիայի Սուպերգավաթակիր, ինչպես նաև նվաճել է երկրի Գավաթը։
Մյունխենցիների մարզաշապիկով անցկացրած 161 պաշտոնական խաղում անգլիացի ռմբարկուն արդեն դարձել է 156 գոլի հեղինակ՝ սահմանելով մի շարք ներքին ու եվրոպական ռեկորդներ, իսկ նախորդ շաբաթ ճանաչվել է աշխարհի լավագույն ֆուտբոլիստ։
