Անգլիայի լիգայի գավաթի խաղարկության 1/16 եզրափակիչի (3-րդ տուր) շրջանակում կայացան մի շարք հանդիպումներ։ «Լիվերպուլն» ու «Արսենալը» գոլառատ խաղերում հաղթանակներ տոնեցին՝ նվաճելով հաջորդ փուլի ուղեգիր։
«Լիվերպուլը» «Էնֆիլդում» հյուրընկալել էր Լոնդոնի «Տոտենհեմին» և առավելության հասավ 3-1 հաշվով: Մերսիսայդյան ակումբի կազմում աչքի ընկան Ալեքսիս Մակ Ալիստերը (21), Կոդի Գակպոն (54) և Դոմինիկ Սոբոսլայը (90+1): Հյուրերի միակ գնդակը հեղինակեց Քոնոր Գալահերը (69):
Գոլերը՝ ԱՅՍՏԵՂ
Զուգահեռաբար ընթացող խաղում Լոնդոնի «Արսենալը» հյուրընկալվելիս գերվստահ հաղթանակ տարավ «Իպսվիչի» նկատմամբ՝ 4-2 հաշվով: «Զինագործների» կազմում փայլեց 16-ամյա Մաքս Դումանը՝ դառնալով դուբլի հեղինակ (7, 47): Լոնդոնցիների կազմում մեկական անգամ աչքի ընկան նաև Նոնի Մադուեկեն (16) և Միկել Մերինոն (58): Տանտերերի կազմում գոլերը հեղինակեցին Անիս Մեհմեթին (62) և Չուբա Ակպոմը (90+1):
Այս հաղթանակների շնորհիվ «Լիվերպուլն» ու «Արսենալը» դուրս եկան Անգլիայի լիգայի գավաթի 1/8 եզրափակիչ՝ շարունակելով պայքարը տիտղոսի համար:
Գոլերը՝ ԱՅՍՏԵՂ
