Իսպանիայի Լա Լիգայի երկրորդ տուրի շրջանակում կայացավ «Էսպանյոլ» — «Ռեալ Մադրիդ» հանդիպումը։ Բարսելոնայի «Կոռնելյա-Էլ Պրատ» ստադիոնում անցկացված խաղն ավարտվեց հյուրերի՝ 2։1 հաշվով դրամատիկ հաղթանակով։
Խաղի հաշիվն արդեն 9-րդ րոպեին բացեց մադրիդցիների կիսապաշտպան Ջուդ Բելինգհեմը, սակայն 30-րդ րոպեին «Էսպանյոլի» կիսապաշտպան Ալեքս Կալատրավային հաջողվեց վերականգնել հաշվի հավասարությունը։ Երբ թվում էր՝ հանդիպումն այդպես էլ կավարտվի, 90-րդ րոպեին հյուրերի կիսապաշտպան Կառլոս Էսպին խփեց վճռորոշ գնդակն ու հաղթանակ պարգևեց «արքայական» ակումբին։
Հիշեցնենք, որ Լա Լիգայի առաջին տուրի՝ «Ռեալ» — «Ռեալ Սոսյեդադ» հանդիպումը հետաձգվել և կայանալու է օգոստոսի 26-ին։ Իսկ «Էսպանյոլը» նոր մրցաշրջանի մեկնարկային խաղում 3։0 հաշվով վստահ հաղթանակ էր տարել «Լևանտեի» նկատմամբ։
Հաջորդ տուրում «Էսպանյոլն» օգոստոսի 29-ին ուժերը կչափի «Ռեալ Սոսյեդադի» հետ, իսկ «Ռեալն» օգոստոսի 30-ին կմրցի «Մալագայի» դեմ։
Տեսանյութը՝ ԱՅՍՏԵՂ
Մրցաշարային աղյուսակն այս պահին
