Էնցո Մարեսկան նշանակվել է «Մանչեսթեր Սիթիի» գլխավոր մարզչի պաշտոնում։ Այս մասին հայտնում է ինսայդեր Ֆաբրիցիո Ռոմանոն։
Աղբյուրի տեղեկություններով` 46-ամյա մասնագետն արդեն եռամյա պայմանագիր է կնքել «քաղաքայինների» հետ։ Նշվում է, որ Մարեսկան անմիջական մասնակցություն է ունենալու ակումբի տրանսֆերային քաղաքականության մշակման գործում։
Իր մարզչական կարիերայի ընթացքում իտալացի մասնագետը հասցրել է հաղթել Չեմպիոնշիփում («Լեսթերի» հետ), ինչպես նաև նվաճել Կոնֆերենցիաների լիգայի և Ակումբային աշխարհի առաջնության գավաթները (Լոնդոնի «Չելսիի» ղեկին)։
Հիշեցնենք, որ Մարեսկան արդեն «Մանչեսթեր Սիթիում» աշխատելու հարուստ փորձ ունի. նախկինում նա ընդգրկված է եղել Պեպ Գվարդիոլայի մարզչական շտաբում՝ որպես նրա օգնական։ Ինքը՝ Պեպը, վերջերս հեռացավ մանչեսթերյան ակումբից՝ այնտեղ անցկացրած տասը տարիներից հետո։
