Իտալական Ա Սերիայի 2026/2027 մրցաշրջանի 7-րդ տուրում գրանցվեց հերթական մեծ անակնկալը։ Առաջնության հետնապահ «Վենեցիան» սեփական հարկի տակ՝ «Պիեռլուիջի Պենցո» ստադիոնում, նվազագույն՝ 1:0 հաշվով սենսացիոն հաղթանակ տարավ «Նապոլիի» նկատմամբ։
Խաղի ելքը վճռվեց երկրորդ խաղակեսի մեկնարկում. 49-րդ րոպեին դաշտի տերերի հարձակվող Ակոր Ադամսը դարձավ հանդիպման միակ և հաղթական գոլի հեղինակը։ Նեապոլիտանական ակումբը պարտությունից խուսափելու հիանալի հնարավորություն ստացավ 68-րդ րոպեին, սակայն թիմի կիսապաշտպան Կևին Դե Բրույնեն չկարողացավ անվրեպ իրացնել 11-մետրանոց հարվածը։
Հատկանշական է, որ մինչ այս տուրը «Վենեցիան» պարտվել էր մեկնարկային բոլոր 6 հանդիպումներում և չուներ վաստակած ոչ մի միավոր։
Այս հաղթանակի շնորհիվ տանտերերը վաստակեցին իրենց առաջին 3 միավորը ընթացիկ մրցաշրջանում, թեև շարունակում են եզրափակել մրցաշարային աղյուսակը՝ գտնվելով 20-րդ հորիզոնականում։ «Նապոլին» 7 տուրից հետո 10 միավորով զբաղեցնում է 9-րդ տեղը։
Տեսանյութը՝ ԱՅՍՏԵՂ
Մրցաշարային աղյուսակն այս պահին
