Իսպանիայի Լա Լիգայի 2026/27 թվականների մրցաշրջանի 9-րդ տուրում կատալոնական «Բարսելոնան» «Լա Կարտուխա» մարզադաշտում հյուրընկալվելիս լարված պայքարում խոշոր հաշվով հաղթեց «Բետիսին» (5-2):
Հանդիպման հաշիվը 10-րդ րոպեին բացեց Լամին Յամալը։ 27-րդ րոպեին Դիեգո Գոմեսը վերականգնեց հավասարությունը, սակայն 41-րդ րոպեին Ռոդրին կրկին առաջ մղեց հյուրերին՝ խփելով իր առաջին գոլը կատալոնական ակումբի կազմում։ Երկրորդ խաղակեսի սկզբնամասում՝ 51-րդ րոպեին, Գաբրիել Ժեսուսը խփեց «Բարսելոնայի» երրորդ գնդակը։ 54-րդ րոպեին Աբդե Էզալզուլին կրճատեց հաշվի տարբերությունը։ Դրանից անմիջապես հետո՝ նույն 54-րդ րոպեին, տանտերերը մնացին տասը ֆուտբոլիստներով. Լամին Յամալի հետ բախման արդյունքում Ֆակունդո Բեռնալը ուղիղ կարմիր քարտ ստացավ և հեռացվեց խաղադաշտից։ Ստանալով քանակական առավելություն՝ 62-րդ րոպեին Էրիկ Գարսիան խփեց հյուրերի չորրորդ գոլը, իսկ 81-րդ րոպեին Դանիո Օլմոն գրավեց մրցակցի դարպասը՝ ձևակերպելով խաղի վերջնական հաշիվը։
Այս հաղթանակի շնորհիվ «Բարսելոնան» կրկնեց Մադրիդի «Ռեալի» պատմական նվաճումը. թիմը մրցաշրջանի մեկնարկային 9 խաղերում գրանցեց 100 տոկոսանոց արդյունք՝ տոնելով 9 հաղթանակ։ Մադրիդյան ակումբը նման ցուցանիշ գրանցել էր 1968-69 թվականների մրցաշրջանում։ Այժմ «Բարսելոնան» 27 միավորով վստահորեն գլխավորում է Լա Լիգայի մրցաշարային աղյուսակը։
Գոլերը՝ ԱՅՍՏԵՂ
Լա լիգայի մրցաշարային աղյուսակը՝ ստորև․
