Լա Լիգայի նոր մրցաշրջանի առաջին տուրում Մադրիդի «Ատլետիկոն» արտագնա խաղում 1:2 հաշվով պարտվեց «Էսպանյոլին»։ Հանդիպումը տեղի ունեցավ Բարսելոնայի «Սթեյջ Ֆրոնտ» մարզադաշտում, գլխավոր մրցավարն էր Մատեո Բուսկեց Ֆերրերը։
Առաջին խաղակեսում հաշվի մեջ առաջ անցավ «Ատլետիկոն». 37-րդ րոպեին Խուլիան Ալվարեսը ճշգրիտ հարվածով բացեց խաղի հաշիվը։ Երկրորդ խաղակեսում «Էսպանյոլը» կարողացավ շրջել խաղի ընթացքը։ 73-րդ րոպեին Էդու Էսպոսիտոյի փոխանցումից հետո Միգել Ռուբիոն հավասարեցրեց հաշիվը։ Իսկ 84-րդ րոպեին Օմար էլ-Հիլալիի փոխանցումից հետո Պերե Միլյան գլխով գեղեցիկ հարվածով խփեց երկրորդ գոլը՝ ապահովելով «Էսպանյոլի» հաղթանակը։
Այս հաղթանակով «Էսպանյոլը» պահպանեց իր հաջող շարքը «Ատլետիկոյի» դեմ․ վերջին չորս խաղերում մադրիդյան ակումբը չի կարողացել հաղթել բարսելոնյան թիմին։
Հաջորդ տուրում՝ օգոստոսի 23-ին, նախորդ մրցաշրջանի Լա Լիգայի բրոնզե մեդալակիր «Ատլետիկոն» կընդունի «Էլչեին», իսկ «Էսպանյոլը» օգոստոսի 24-ին արտագնա խաղում կմրցի «Ռեալ Սոսիեդադի» հետ։
Գոլերը՝ այստեղ
Մրցաշարային աղյուսակն այս խաղից հետո
