«Մանչեսթեր Յունայթեդը» մերժել է «Նապոլիի» առաջին առաջարկը վինգեր Ալեխանդրո Գառնաչոյի համար:
Ինչպես հաղորդում է Manchester Evening News-ը, անգլիական ակումբը հրաժարվել է 20-ամյա արգենտինացուն 40 միլիոն ֆունտի դիմաց վաճառել «Նապոլիին»:
Նեապոլցիների գլխավոր մարզիչ Անտոնիո Կոնտեն Գառնաչոյին տեսնում է որպես Խվիչա Կվարացխելիային հնարավոր փոխարինող, որը շուտով պաշտոնապես կդառնա ՊՍԺ-ի խաղացող։
Գառնաչոյի պայմանագիրը «Մանչեսթեր Յունայթեդի» հետ նախատեսված է մինչև 2028 թվականի ամառը։ Այս մրցաշրջանում ֆուտբոլիստը բոլոր մրցաշարերում անցկացրած 31 խաղում դարձել է 8 գոլի և 5 գոլային փոխանցման հեղինակ:
