Ձեր ուշադրությանն ենք ներկայացնում միջազգային մամուլում վերջերս շրջանառվող գլխավոր ֆուտբոլային ինսայդները, տրանսֆերային շշուկները։
✅ «Լիվերպուլը», «Արսենալը» և այլ թոփ ակումբներ հետաքրքրված են «Այնտրախտի» կիսապաշտպան Հուգո Լարսոնի ծառայություններով։ Այդ մասին հայտնում է TeamTalk-ը։ Ակումբները պատրաստ են նրա տրանսֆերը ձևակերպել արդեն առաջիկա ձմռանը։
✅ «Մանչեսթեր Սիթիի» կիսապաշտպան Ջեք Գրիլիշի ապագան մնում է անորոշ: Անգլիացին հազվադեպ է հայտնվում «Քաղաքաբնակների» մեկնարկային կազմում: Ըստ Football Insider-ի, Գրիլիշը կարող է որոշում կայացնել հեռանալ «Մանչեսթեր Սիթիից»: Իր հերթին, «Տոտենհեմը» 29-ամյա կիսապաշտպանին համարում է որպես առաջիկա տրանսֆերային նպատակ:
✅ «Լիլում» հանդես եկող կանադացի հարձակվող Ջոնաթան Դավիդը հայտնվել է Մյունխենի «Բավարիայի» հետաքրքրությունների ոլորտում։ Այս մասին հայտնում է ինսայդեր Ֆլորիան Պլետենբերգը։ Գերմանական գրանդը պատրաստվում է հարձակվողի հետ պայմանագիր կնքել առաջիկա ամռանը։ Ֆուտբոլիստի ծառայոթյուններով հետաքրքրված են նաև «Յուվենտուսը», «Ինտերը», «Բարսելոնան» և ԱՊԼ-ի գրանդ ակումբներից շատերը։
✅ Լիսաբոնի «Սպորտինգի» կենտրոնական պաշտպան Գոնսալո Ինասիոն կարող է տեղափոխվել Մառախլապատ Ալբիոն։ Այս մասին տեղեկացել է Todofichajes-ը։ Ըստ աղբյուրի՝ 23-ամյա պորտուգալացու աշխատանքի նոր վայրը կարող է լինել «Մանչեսթեր Յունայթեդը»։
✅ Ինչպես հաղորդում է Relevo-ն, Մադրիդի «Ռեալը» մտադիր է առաջիկա տարիներին կենտրոնանալ իսպանացի ֆուտբոլիստների հետ պայմանագիր կնքելու վրա, որպեսզի վերականգնի թիմի հեղինակությունը իսպանական ֆուտբոլում: Այս պահին ակումբի առաջնահերթ նպատակների ցանկում ընդգրկված են Իսպանիայի հավաքականի երեք ֆուտբոլիստներ՝ Պեդրո Պորոն, Այմերիկ Լապորտը և Ռոդրի Էրնանդեսը։ Սակայն, ինչպես նշում են աղբյուրները, երաշխավորված չէ, որ նրանք բոլորը կհայտնվեն Մադրիդի «Ռեալում»։ Մադրիդի «Ռեալը» երկար ժամանակ անց առաջին անգամ չունի ոչ մի ներկայացուցիչ Իսպանիայի հավաքականում։ Ֆլորենտինո Պերեսն այս իրավիճակն անընդունելի է համարում և մտադիր է առաջիկա տարիներին թիմն ուժեղացնել իսպանացի ֆուտբոլիստներով։
✅ «Միլանը» հետևում է Մադրիդի «Ռեալի» հարձակվողական ոճի կիսապաշտպան Բրահիմ Դիասի ելույթներին: Ռոսոներիները կարող են փորձել իսպանացուն վերադարձնել իրենց կազմ, հայտնում է La Gazzetta dello Sport-ը։
✅ «Ալ-Նասրի» ֆուտբոլիստ Նեյմարի գործակալ Պինի Զահավին խոսել է իր հաճախորդի ապագայի մասին․ «Ալ-Հիլալից» Նեյմարի հեռանալու շուրջ բանակցություններ չկան. նա պայմանագիր ունի, երջանիկ է իր ակումբում։ Ես և Նեյմարի հայրը միակ մարդիկ ենք, ովքեր կարող են բարձրաձայնել նրա ապագայի մասին։ Ես չգիտեմ, թե որտեղից են ծագել վերջին լուրերը»,- Զահավիի խոսքերն է մեջբերում լրագրող Ֆաբրիցիո Ռոմանոն։
✅ «Լիվերպուլի» կիսապաշտպան Ֆեդերիկո Կիեզան ձմռանը կարող է վերադառնալ Իտալիա։ Այս մասին հայտնում է Calciomercato-ն՝ հղում անելով Tuttosport-ին։Աղբյուրի տեղեկություններով՝ «Ինտերը» մտադիր է 27-ամյա ֆուտբոլիստին վարձակալել ձմռանը՝ ամբողջական տրանսֆերը գնելու հնարավորությամբ։
✅ Մադրիդի «Ատլետիկոն», Դորտմունդի «Բորուսիան» և «Լիվերպուլը» հետաքրքրություն են ցուցաբերում ՊՍՎ-ի 21-ամյա հարձակվող Ռիկարդո Պեպիի նկատմամբ։ Այս մասին հայտնում է AS-ը։
Շարքի նախորդ նյութերը․
➡️ Հանսի Ֆլիկի նոր տրանսֆերային նպատակը, Լևանդովսկին կարո՞ղ է փոխել ակումբը․ Տրանսֆերային անցուդարձ
➡️ Ռեալի նախկին ֆուտբոլիստը՝ ԱՊԼ-ո՞ւմ, ՄՅՈւ-ն մեծ շոփինգ է նախատեսում․ Տրանսֆերային անցուդարձ
➡️ Բարսայի ֆուտբոլիստները կտեղափոխվե՞ն ԱՊԼ, ՄՅՈՒ-ն կփորձի խառնել Ռեալի ծրագրերը․ Տրանսֆերային անցուդարձ
