Առաջիկա հանգստյան օրերին, հավաքականների մասնակցությամբ միջազգային մրցաշարերի ավարտից հետո, կմեկնարկեն թոփ-5 լիգաների առաջնությունները։ Այս շաբաթ սպասվում են մի շարք հետաքրքիր դիմակայություններ։
Սեպտեմբերի 13
✅ 22։30 / «Բորուսիա Դորտմունդ»-«Հեյդենհայմ»
Նախ, ուրբաթ օրը, Բունդեսլիգայի երրորդ տուրը կմեկնարկի «Բորուսիա Դորտմունդ»-«Հեյդենհայմ» հանդիպումով։ Վերջինս շատ լավ է մեկնարկել նոր մրցաշրջանը և երկու մեկնարկային տուրերում հաղթել է՝ խփելով 6 գոլ և անառիկ պահելով դարպասը։ Ֆրանկ Շմիդտի թիմին առաջին լուրջ քննությունն է սպասվում նոր մրցաշրջանում։ Ի դեպ, Ֆրանկը գերմանական թիմը մարզում է 2007 թվականից։
Սեպտեմբերի 14
✅ 23։00 / «Ռեալ Սոսյեդադ»-«Ռեալ»
Լա լիգայի 5-րդ տուրի կենտրոնական հանդիպումներից մեկը կկայանա Սան Սեբաստիանում։ «Ռեալ Սոսյեդադը» սեփական հարկի տակ կընդունի Մադրիդի «Ռեալին»։
✅ ԱՊԼ-ի 4-րդ տուրի հանդիպումների մեծ մասը կկայանա շաբաթ օրը, իսկ տուրի կենտրոնական հանդիպումը, որի մասին կխոսենք քիչ անց, կկայանա կիրակի։ Գերմանիայի չեմպիոն «Բայերը», ինչպես նաև «Բավարիան», փարիզյան գրանդը, «Յուվենտուսն» ու «Միլանը» ևս իրենց հանդիպումները կանցկացնեն սեպտեմբերի 14-ին։
15։30 / «Սաութհեմփթոն»-«Մանչեսթեր Յունայթեդ»
17։30 / «Հոֆենհայմ»-«Բայեր»
17։30 / «Բորուսիա Մ․»-«Շտուտգարտ»
18։00 / «Բրայթոն»-«Իպսվիչ»
18։00 / «Լիվերպուլ»-«Նոթինգհեմ»
18։00 / «Մանչեսթեր Սիթի»-«Բրենտֆորդ»
19։30 / «Մարսել»-«Նիցա»
20։00 / «Էմպոլի»-«Յուվենտուս»
20։30 / «Հոլշտեյն Քիլ»-«Բավարիա»
22։45 / «Միլան»-«Վենեցիա»
23։00 / ՊՍԺ-«Բրեստ»
23։00 / «Բորնմուտ»-«Չելսի»
Սեպտեմբերի 15
✅ 17։00 / «Տոտենհեմ»-«Արսենալ»
ԱՊԼ-ի այս տուրի կենտրոնական, ինչպես նաև թոփ-5 լիգաների ամենաթեժ դիմակայություններից մեկը կկայանա Լոնդոնում։ Արտետայի թիմը կադրային լուրջ խնդիրներ ունի, թիմի մի շարք առաջատար ֆուտբոլիստներ բաց կթողնեն դերբին․ Էդեգորը՝ վնասվածքի, Ռայսը՝ նախորդ խաղում ստացած կարմիր քարտի պատճառով։ Իսկ «Տոտենհեմը», չնայած նախորդ խաղերում միավորներ կորցնելուն, շարունակում է հետաքրքիր և գերհարձակվողական ֆուտբոլ ցուցադրել, ինչպես նախորդ մրցաշրջանում։ Տուրի կենտրոնական հանդիպումը կկայանա այս կիրակի, մրցավարի մեկնարկային սուլիչը կհնչի 17։00-ին։
✅ 18։15 / «Ժիրոնա»-«Բարսելոնա»
Լա լիգայի 5-րդ տուրի մյուս կենտրոնական հանդիպումներից մեկը դա կատալոնական դերբին է։ «Ժիրոնան» սեփական հարկի տակ կընդունի «Բարսելոնային»։
✅ 22։45 / «Մոնցա»-«Ինտեր»
Իտալիայի գործող չեմպիոններն Ա Սերիայի 4-րդ տուրում արտագնա հանդիպում կանցկացնեն․ Հենրիխ Մխիթարյանի թիմը կհանդիպի «Մոնցայի» հետ։
✅ 23։00 / «Ատլետիկո»-«Վալենսիա»
Կատալոնական դերբիից բացի իսպանական լիգայում սպասվում է ևս մեկ հետաքրքիր դիմակայություն։ Մադրիդում Դիեգո Սիմեոնեի թիմը կընդունի «Վալենսիային»։
Այլ հանդիպումներ
14։30 / «Ջենոա»-«Ռոմա»
17։00 / «Ատալանտա»-«Ֆիորենտինա»
20։00 / «Կալյարի»-«Նապոլի»
22։45 / «Լանս»-«Լիոն»
