Աշխարհի նախկին առաջին ռակետ, «Մեծ սաղավարտի» մրցաշարերի քառակի հաղթող, ճապոնացի թենիսիստուհի Նաոմի Օսական պատմել է, որ հանդիպումների ժամանակ որոշակի դժվարություններ է ապրում։
«Վերջին մի քանի ժամվա ընթացքում ես փորձում էի հասկանալ, թե ինչ եմ զգում: Զարմանալիորեն սովորեցի գնահատել պարտությունը։ Առանց նրանց դուք չեք կարող թենիս խաղալ ավելի քան 20 տարի: Դուք սովորում եք կորստից և անհամբեր սպասում եք այդ գիտելիքները գործնականում կիրառելուն:
Բայց հիմա իմ գլխավոր խնդիրը ոչ թե պարտություններն են, այլ այն, որ ես ինձ իմ մարմնի մեջ չեմ զգում։ Տարօրինակ զգացողություն է. ես սխալներ եմ թույլ տալիս այնտեղ, որտեղ չպետք է անեի, գնդակներին ավելի մեղմ եմ հարվածում, քան նախկինում: Ես փորձում եմ ինքս ինձ ասել. «Լավ է, դու հիանալի ես անում, պարզապես հաղթահաիր սա և շարունակիր աշխատել», բայց ներսում ես լսում եմ, որ գոռում են. «Գրողը տանի, ի՞նչ է կատարվում»,– գրել է Օսական սոցցանցերի իր էջում։
