«Նյուքասլը» պատրաստվում է ձևակերպել «Միլանի» և Պորտուգալիայի հավաքականի վինգեր Ռաֆայել Լեաուի տրանսֆերը, հայտնում է Telefoot-ը։
Աղբյուրի տեղեկություններով՝ շուտով «կաչաղակները» կդիմեն «Միլանին»՝ 24-ամյա ֆուտբոլիստի տրանսֆերի համար առաջարկով: Նշենք, որ Transfermarkt-ը ֆուտբոլիստի տրանսֆերային արժեքը գնահատում է 90 մլն եվրո։
Լեաուի տրանսֆերին հավակնում է նաև ՊՍԺ-ն: Փարիզցիներն արդեն սկսել են այս տրանսֆերը ձևակերպելու համար աշխատանքները։ Նշվում է, որ պորտուգալացին հետաքրքրված է առաջիկա ամառ տեղափոխվել Ֆրանսիայի առաջնություն։
Լեաուն «Միլանում» հանդես է գալիս 2019 թվականից։ Այս մրցաշրջանում վինգերը «ռոսոներիների» կազմում դարձել է 6-ական գոլի և գոլային փոխանցման հեղինակ։
