Դորտմունդի «Բորուսիայի» հարձակվող Էրլինգ Հոլանդը կարող է կարիերան շարունակել Անգլիայում։
Ինչպես հաղորդում է The Athletic-ի լրագրող Դևիս Օնշտեյնը՝ նորվեգացի ֆուտբոլիստը դարձել է «Մանչեսթեր Սիթիի»՝ ամառային տրանսֆերային պատուհանի առաջնահերթ նպատակը։
Նշվում է, որ առաջիկա շաբաթներին անգլիական ակումբը պլանավորում է բանակցություններ սկսել Հոլանդի ներկայացուցիչների հետ։ Դեռ հայտնի չէ, թե առաջարկին ինչպես կարձագանքի հենց ֆուտբոլիստը։
«Մանչեսթեր Սիթիի» մրցակիցն այս պայքարում «Ռեալն» է։ «Բարսելոնան» նույնպես ուզում է ձեռք բերել նորվեգացուն, բայց ենթադրվում է, որ կապտանռնագույնները չեն կարողանա բավարարել նրա ֆինանսական պահանջները։
