Հայտնի ֆուտբոլային գործակալ Դմիտրի Սելյուկը խոսել է Չեմպիոնների լիգայում «Ռեալի» նկատմամբ «Շերիֆի» հաղթանակի (2-1) մասին:
«Իհարկե, կարելի է ողջ Մոլդովային շնորհավորել «Շերիֆի» նման հաջողության առթիվ, բայց այս հաղթանակները պայմանավորված են միայն լեգիոներների լիմիտը չեղարկելով: Եվ ամենահետաքրքիրն այն է, որ բոլորը ասում են, որ այնտեղ խաղում են միայն օտարերկրացիները, բայց իրականում շատ մոլդովացիներ խաղում են առաջնությունում:
Ինչո՞ւ մենք դա չենք անում: Լիմիտը չեղարկվեց, և ֆուտբոլիստները գնացին այնտեղ խաղալու ոչ թե փողի, այլ ցանկության և մոտիվացիայի համար: «Շերիֆի» ֆուտբոլիստները մտան Չեմպիոնների լիգայի խմբային փուլ՝ խաղալով կոպեկների դիմաց:
Համապատասխան անձնագիր ունեցողները վաստակում են բոլորի պես: Սա նշանակում է, որ լիմիտը միանշանակ պետք է չեղարկվի Ռուսաստանում: Օրինակ, «Ռուբինը» գնում է Իգնատիևին 7 միլիոն եվրոյով, և մարդը չի խաղում, ի տարբերություն «Շերիֆի» խաղացողների:
Մերոնք պարտվեցին Եվրոպայի բոլոր երկրներին: Անհրաժեշտ է, որ ՌՖՄ-ն շտապ սկսի բարեփոխումները, միայն դրանք մեր ֆուտբոլը կբերեն բարձունքների», — մեջբերում է Սելյուկին Спорт-Экспресс-ը:
