Պորտուգալիայի հավաքականի և «Մանչեսթեր Յունայթեդի» հարձակվող Կրիշտիանու Ռոնալդուն Instagram-ում գրառում է կատարել ազգային հավաքականում խփած գոլերի քանակով իր ռեկորդի վերաբերյալ։
Իռլանդիայի հետ խաղում դուբլից հետո 36-ամյա ֆուտբոլիստն այժմ իր ակտիվում ունի 111 գոլ ազգային հավաքականում:
«Ես նույնիսկ բառեր չեմ գտնում: Ես հիացած եմ այս զարմանալի էմոցիաներով: Առա՜ջ, Պորտուգալիա: Առա՜ջ։
Բոլոր այն ռեկորդներից, որոնք ես գերազանցել եմ իմ կարիերայում, այս մեկն ինձ համար առանձնահատուկ է, սա այն նվաճումների շարքում է, որոնցով ես իսկապես հպարտ եմ: Նախ, քանի որ ամեն անգամ, երբ ես ներկայացնում եմ երկիրը, հատուկ պահ է, քանի որ գիտեմ, որ ես պաշտպանում եմ Պորտուգալիայի գույները և աշխարհին ցույց տալիս, թե ինչից են պատրաստված պորտուգալացիները:
Երկրորդ, ազգային թիմերի մրցաշարերը միշտ շատ ուժեղ ազդեցություն են թողել ինձ վրա։ Ի վերջո, և ամենակարևորը, Պորտուգալիայի հավաքականի կազմում 111 գոլ խփելը 111 պահ է, համընդհանուր միասնության և երջանկության պահեր ամբողջ աշխարհում միլիոնավոր պորտուգալացիների համար: Նրանց համար յուրաքանչյուր զոհաբերություն արժե այդ ամենին:
Մեկ այլ պատճառ, թե ինչու եմ այս նվաճումն այդքան գնահատում, այն է, որ Ալի Դաեյին սահմանեց նշաձողը այնքան բարձր մակարդակի վրա, որ ինչ-որ պահի նույնիսկ ես սկսեցի մտածել, որ երբեք չեմ գերազանցի նրա ռեկորդը (109 գոլ): Շնորհավորում եմ ռեկորդը այսքան երկար պահելու համար: Շնորհակալ եմ նրան, որ հարգանք ցուցաբերեց իմ նկատմամբ ամեն անգամ, երբ գոլ էի խփում, քանի որ ավելի ու ավելի էի մոտենում նրա գերազանց արդյունքին:
Շնորհակալությո՜ւն, Պորտուգալիա: Շնորհակալ եմ իմ բոլոր խաղընկերներին և մրցակիցներին այս ճանապարհն այսքան անմոռանալի դարձնելու համար: Եկեք շարունակենք մեր հանդիպումները խաղադաշտում առաջիկա տարիներին: Ես դեռ չեմ ավարտել…», — գրել է Ռոնալդուն:
