«Զենիթի» երկրպագու, հայտնի դերասան Միխայիլ Բոյարսկին մեկնաբանել է Եվրո-2020-ի եզրափակչում Իտալիայի հաղթանակը Անգլիայի նկատմամբ:
«Ես ուրախ եմ Մանչինիի համար: Նա շատ լավ առաջնություն անցկացրեց: Պարզ, առանց հույզերի: Միայն վերջում նա թույլ տվեց իրեն լաց լինել: Ռոբերտոն արժանի էր այս հաղթանակին: Նա ապացուցել է դա:
Ինչ վերաբերում է Արտյոմ Ձյուբայի հայտարարությանը, թե Մանչինին մարզիչ չէ, ես համոզված եմ, որ Արտյոմը սխալ էր: Նա դա ասել է էմոցիաների ազդեցության ներքո: Չի կարելի այդպես խոսել: Փաստերն ապացուցում են, որ Մանչինին իսկական մարզիչ է:
Ինչու՞ նա ձախողվեց «Զենիթում»: Կազմը, որն այն ժամանակվա թիմում էր, շատ ավելի թույլ է, քան այն, ինչ նա այժմ ունի: Սա է հիմնական պատճառը: Մենք այդպիսի խաղացողներ չունենք: Եվ հիմարություն կլիներ կասկածի տակ դնել նրա մարզչական կարողությունները: Հետագայում կցանկանայի՞ նրան կրկին տեսնել «Զենիթում»: Ոչ, «Զենիթում» ես ուզում եմ տեսնել միայն Սեմակին: Եթե խոսենք ազգային հավաքականի մասին, ապա Ռուսաստանի հավաքականին նույնիսկ Մանչինին չի օգնի:
