Շատերը կարծում էին, որ Ա Սերիայում չեմպիոնության համար այս տարի թեժ պայքար կծավալվի «Յուվենտուսի» և «Ինտերի» միջև։ Իրականում, այդպես էլ կա, սակայն, քչերն էին սպասում, որ «մեծերի» գործերին կարող է խառնվել նաև «Լացիոն»։
Ա Սերիայի 19-րդ տուրում «Լացիոն» ջախջախեց «Սամպդորիային» 5:1 հաշվով, իսկ գլխավոր հերոսը Չիրո Իմոբիլեն էր, ով ձևակերպեց մրցաշրջանի իր առաջին հեթ-տրիկը:
⚽️ Չիրոն պարզապես հիանալի է. նա արդեն ունի 23 գոլ իր հաշվին: Այդ ցուցանիշով թոփ-5 լիգաներում նա շրջանցում է Տիմո Վերներին (20 գոլ) և Ռոբերտ Լևանդովսկուն (19 գոլ):
⚽️ Ոչ մի խաղացող Եվրոպայի լավագույն 5 լիգաներում չի մասնակցել ավելի շատ դարպասների գրավման, քան Իմոբիլեն: Նա արդեն ունի 27 միավոր գոլ+փոխանցում համակարգով:
⚽️ Իմոբիլեն 11-մետրանոց տուգանային հարվածներից խփել է իր 23 գոլերից 9-ը: Անցած 10 տարիների ընթացքում ավելի շատ Ա Սերիայում միայն Զլատան Իբրահիմովիչն է աչքի ընկել ավելի շատ նման ցուցանիշով՝ 2011/12 մրցաշրջանում:
«Չիրոյի բոլոր արդյունքները թվարկելու համար տարիներ կպահանջվեն: Նա հիանալի ռմբարկու է, բայց առաջին հերթին՝ իսկական թիմային խաղացող: Ես անմիջապես հասկացա, որ նա գործնականում երրորդ ավագն է Լուլիչից և Պարոլոյից հետո: Գոլերը՝ թիմի հաղթանակներում նրա ներդրման միայն մի մասն է», — Skyone Italia-ին տված հարցազրույցում ֆուտբոլիստին գովաբանել է Սիմոնե Ինձագին:
⚽️ Ա Սերիայում «Լացիոն» անընդմեջ հաղթում է 11 խաղում։ Վերջին անգամ նրանք պարտվել են «Ինտերին» սեպտեմբերի վերջին: «Լացիոյից» (46 գոլ) ավելի հաճախ մրցակիցների դարպասը գրավել է միայն «Ատալանտան» (49):
Չիրոյին հազիվ թե կարելի է համարել հաջողակ ֆուտբոլիստ։ Երիտասարդ տարիքում նա հայտնվեց Թուրինում, բայց Դել Պիերոյի երկրպագուի համար տեղ չգտնվեց «Յուվենտուսի» կազմում: Համեստ թիմերում վարձավճարներով գործուղումները շատ էին, և միայն «Տորինոյում» Իմոբիլեյին հաջողվեց հասնել արդյունքի: Բայց հետո նորից անհաջողություն, որովհետև «Բորուսիայի» կազմում նրա ներկայությունը աննշան թվաց: «Սևիլիայում» — նույն պատմությունը․ խանգարեցին առողջական խնդիրները:
Միայն «Տորինո» վերադառնալու շնորհիվ նա նորից սկսել փայլել և տեղափոխվեց «Լացիո», որտեղ անընդմեջ խաղում է արդեն չորրորդ մրցաշրջանը, և շա՜տ, շա՜տ, շաաա՜տ արդյունավետ․․․ Եվ կարծում ենք, նրա մոտ դեռ ամեն ինչ առջևում է․․․
Վար Բաբայան
