Փարիզում շարունակվում է թենիսի Ֆրանսիայի բաց առաջնությունը: Տղամարդկանց պայքարում հայտնի է կիսաեզրափակչի երկրորդ մասնակիցը:
Հույն Ստեֆանոս Ցիցիպասը 2 ժամ 23 րոպեի ընթացքում, 3 սեթում՝ 6-3, 7-6, 7-5 հաշվով պարտության մատնեց համաշխարհային դասակարգման երկրորդ համար Դանիիլ Մեդվեդևին:
Ռուս թենիսիստը մրցակցի մատուցումներից խլեց երկուսը՝ սեփականներից զիջելով 4-ը: Ցիցիպասի անվան դիմաց գրանցվեց 3 էյս՝ մրցակցի 5-ի դիմաց:
Եզրափակչի ուղեգիրը հույն թենիսիստը կվիճարկի Ալեքսանդր Զվերևի հետ: