«Լոս-Անջելես Լեյքերսի» աստղեր Լեբրոն Ջեյմսն ու Էնթոնի Դևիսն ԱՄՆ-ի հավաքականի կազմում չեն մասնակցի Տոկիոյում կայանալիք Օլիմպիական խաղերին։ Սթիվեն Կարին («Գոլդեն Սթեյթ Ուորիորզ») և Դեմյեն Լիլարդը («Պորտլենդ Թրեյլ Բլեյզերս») չեն բացառում իրենց մասնակցությունը․
«Խաղացողներին մոտ կանգնած աղբյուրի հավաստմամբ, Լեբրոնն ու Դևիսը ԱՄՆ-ի հավաքականի կազմում չեն մասնակցի Օլիմպիական խաղերին՝ վնասվածքներով պայմանավորված սարսափելի մրցաշրջանի պատճառով։
Սթիվեն Կարին մասնակցության իր շանսերը 50/50 է գնահատում և կարող է համաձայնել՝ Օլիմպիական առաջին ոսկին նվաճելու հնարավորության համար։ Դեմյեն Լիլարդը ևս շատ հետաքրքրված է Օլիմպիական խաղերի մասնակցությամբ, բայց վերջնական որոշումը դեռևս չի կայացվել»,- գրել է The Athletic-ի հոդվածագիր Ջո Վարդոնը։
Տոկիոյի Օլիմպիական խաղերը կմեկնարկեն հուլիսի 23-ին։ NBA-ի աստղերը, որոնց ակումբները կհասնեն փլեյ-օֆֆ, դժվար թե մասնակցեն Օլիմպիական խաղերին։ Դևին Բուկերը, Քրիս Փոլը (երկուսն էլ՝ «Ֆինիքս Սանզ») և Կավայ Լեոնարդը («Լոս-Անջելես Կլիպերս») ավելի վաղ Տոկիո մեկնելու ցանկություն էին հայտնել, բայց նրանց ակումբները դեռևս շարունակում են պայքարը փլեյ-օֆֆի համար։
